«ههنگاو» بشری حقوق تشکیلاتی، ایران قماقخانهلریده افغانستانلیک ایکی کیشینینگ دارگه آسیلگنیدن خبر بیرگن. ههنگاو، بوگون (۱۰-عقرب، شنبه)، بیر گزارش آرقهلی یازیشیچه، افغانستاننینگ مذکور ایکی یشاوچیسی «جنسی زورهوانلیککه» عیبلنگن ایکنلر.
ایکینچیلیک، سووغاریش و چاروهچیلیک وزیرلیگینینگ اعلام قیلیشیچه، ناروی قاچقینلر کینگشی همکارلیگی بیلن، غزنی ده ۳۰ ته مهییزخانه و کچالو بیلن پیاز سقلهنیشی اوچون ۲۰ ته ساووقخانه قوریلگن.
خلقارا ییتکرمهلرنینگ گزارش بیریشیچه، پنتاگون اوزاق مسافهلی راکتهلر «تاماهاوک»نی اوکراین گه یوباریش مسئلهسیده کیلیشیب و بوتوغریدهگی سونگی قرارنی امریکا قوشمه ایالتلری جمهور باشلیغی دونالد ترامپ گه تاپشیریلگن.
اسلام امیرلیگی المپیک، سپورت و جسمانی تربیهلش کمیتهسی عمومی باشلیغی احمدالله وثیقنینگ اعلام قیلیشیچه، افغانستاننینگ ۱۷ یاشنی تولدیرمهگن فوتسال ملی تیرمه جماعهسی کابل گه ییتیب کیلگن. او بوگون (۱۰-عقرب، شنبه)، اکس صحیفهسیده، حاضر افغانستان فوتسال ملی تیرمه جماعهسینینگ کوتیب آلیش و تقدیرلش مراسمی دوام قیله یاتگنینی یازگن.
فلسطین ساغلیقنی سقلش وزیرلیگینینگ اعلام قیلیشیچه، اسرائیل گروگه آلینگن ۳۰ فلسطینلیکنینگ جسدینی خلقارا قیزیل خاچ کمیتهسیگه تاپشیرگن.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن سکیز مینگ ۳۶۷ افغانستانلیک مملکت گه قیتریلگن.
ننگرهار ییتکرمهلر ادارهسی، تورخم قتناو یولینینگ بوگون (۱۰-عقرب، شنبه)، مملکت گه قیتهدیگن عایلهلر یوزیگه آچیلیشینی معلوم قیلگن.
لوگر یشاوچیلریدن قطارینینگ ایتیشلریچه، ییر آستی سوولر سطحی کمهیگنی اولرنی کوپینچه قیینچیلیک بیلن روپهره قیلگن. اولرگه کوره، سوو قودوقلری، بولاقلر، کانالر و کاریزلرنینگ قوریشی، اولر اوچون کوندهلیک حیات کیچیریشنی قیینلشتیرگن.
