سمنگان، بدخشان و پکتیا ولایتلریده بیر قطار دهقان گه اصلاح بولگن اوروغ و کیمیاوی کود ترقهتیلگن. مذکور یاردم، بیرلشگن ملتلر تشکیلاتینینگ آزیق-آوقت و ایکینچیلیک دستوری (فائو)، آرقهلی دهقانلرنی قوللب-قوتلش و ایکینچیلیک محصوللر میزانی آشیشی مقصد، کورسهتیلگن.
اسلام امیرلیگی ایچکی ایشلر وزیرلیگی سوزلاوچیسی عبدالمتین قانع، بوگون (۴-عقرب، یکشنبه)، اوشبو وزیرلیکنینگ خوفسیزلیک ایشلری بوییچه ییریک معینی، محمدابراهیم صدر رهبرلیگیده بیر هیئتنینگ ایران کیتگنیدن خبر بیرگن.
کابل و اسلامآباد اورتهسیدهگی سیاسی کېسکینلیکلردن سۉنگ، ایککی هفتهدن بیری تورخم، اسپینبولدک، غلامخان، دندپتان و انگور اده چېگره بندرلری افغانستان و پاکستان اورتهسیدهگی برچه سودا و ترانزیت یوکلرینی یېتکزیش یوزیگه یاپیلیب و یوزلب یوک تاشووی موتر چېگرهلرنینگ ایکی تامانیده توختهب قالگن.
اۉزبېکستان پایتختی تاشکینت شهریده ۹ قووتلی بنادهگی کییم دکانی یانیب کیتگن.
کابل ده ایران ایلچیخانهسینینگ اعلام قیلیشیچه، ایران تشقی ایشلر وزیرلیگینینگ خلقارا و حقوقی مسئلهلر بوییچه اورینباسری کاظم غریبآبادی، کابل گه کیلگن.
اسلام امیرلیگی فواید عامه وزیرلیگی، اوتگن بیر هفته ایچیده ۱۲۹ مینگ ۶۱۲ متریک تُن یوک، افغانستاننینگ تیمیر یوللری آرقهلی تشیلگنینی بیلدیرگن. فواید عامه وزیرلیگی سۉزلاوچیسی محمداشرف حقشناس، ۴-عقرب، یکشنبه کونی ایکس صحیفهسیده بیر بیانیه ترقهتیب، اوشبو یوکلر ۲۵ دن ۱- عقربگه قدر تشیلگنینی معلوم قیلگن.
امریکا جمهور باشلیغی دونالد ترامپنینگ اعلام قیلیشیچه، کانادا دن کیلتیریلهدیگن توارلرگه تعرفهنی ینه ۱۰ فایز آشیرهدی. رویترز آژانسینینگ بوگون گزارش بیریشیچه، اوشبو قرار کانادا آرقهلی سوداگرلیک بیر پیام ترقهتیلگنیگه جواب اولهراق آلینگن.
اۉزبېکستانده کېلهسی ییلدن باشلب قوریلهدیگن تورر جای مجموعهلری نامی فقط اۉزبېک تیلیده یازیلهدی.
غزنی ولایتی قرهباغ تومنیده یوز بیرگن ترافیکی حادثه نتیجهسیده، ۲۰ کیشی اولیب و یرهلنگن. غزنی امنیه قوماندانلیگی سوزلاوچیسی خالد سرحدینینگ ایتیشیچه، مذکور حادثه بوگون ایرتهلب (۴-عقرب، یکشنبه)، اوشبو ولایت قرهباغ تومنینینگ «بازار عسکرکوک» ساحهسیده، یوز بیرگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده تورت مینگ ۲۸۰ افغانستانلیکنینگ مملکت گه قیتریلگنینی معلوم قیلگن.
