خلقارا اوقیتووچیلر کونی هر ییلی ۵-اکتبرده نشانلنهدی؛ لیکن افغانستان ده بو کون اَیریم مکتبلرده نشانلنهیاتگن بیر پیتده، اوقیتووچیلردن قطاری اقتصادی قیینچیلیکلر بیلن روپهرهلر.
اسلام امیرلیگی فواید عامه وزیرلیگینینگ اعلام قیلیشیچه، بیر هفتهده افغانستاننینگ تیمیر یوللری آرقهلی ۹۷ مینگ ۵۲۲ متریک تُن توار انتقال تاپگن.
اسلام امیرلیگی ایکینچیلیک، سووغاریش و چاروهچیلیک وزیرلیگی، جاری قویاش ییلده قندهار ده قریب ۱۵ مینگ هکتار ییرنینگ انار درختلریگه اختصاص بیریلگنینی معلوم قیلگن.
قرغیزستان پایتختی بیشکک ده افغانستان ایلچیخانهسینینگ اعلام قیلیشیچه، مذکور مملکت افغانستان گه ۱۳۰ تُن انسانسیورلیک یاردم یوبارگن. اوشبو ایلچیخانه بوگون (۱۳-میزان، یکشنبه)، اکس صحیفهسیده بیر بیانیه آرقهلی یازیشیچه، بو یاردم افغانستان شرقیده یوز بیرگن سونگی زلزله نتیجهسیده جبرلنگنلر کیشیلرگه ترقهتیلهدی.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن اوچ مینگ ۲۲۰ افغانستانلیک مملکت گه قیتگن.
بریتانیا پولیسینینگ اعلام قیلیشیچه، لندن ده فلسطینلیکلرنی قوللب-قوتلش نمایشی جریانیده «فلسطین حرکتی» گروهینی حمایت قیلیش سبب، قریب ۵۰۰ کیشی قولگه آلینگن. خلقارا ییتکرمهلرنینگ بوگون (۱۳-میزان، یکشنبه)، گزارش بیریشیچه، مذکور کیشیلر بریتانیا پایتختیده فلسطینلیکلرنی قوللب-قوتلش نمایشی جریانیده قولگه آلینگنلر.
بیرلشگن ملتلر تشکیلاتی اوی-جای دستوری افغانستان بولیمینینگ اعلام قیلیشیچه، افغانستان گه قیتگن قاچقینلردن کوپینچهسی، اوشبو مملکتنینگ شهر حدودلریگه جایلشماقده.
نوار غزه ده طبی منبعلرنینگ ایتیشلریچه، اوشبو منطقه بویلب اسرائیل اردوسینینگ کینگ کولملی هجوملری عاقبتیده، کمیده ۷۰ فلسطینلیک قربان بولیب و باشقه اونلب کیشی یرهلنگن.
