اسلام امیرلیگی سودا و صناعت وزیرلیگینینگ اعلام قیلیشیچه، ۱۴۰۴-ییل باش آلتی آیده افغانستان و پاکستان اورتهسیدهگی سودا آلیش-بیریش حجمی، بیر میلیارد ۱۰۸ میلیون دالر گه ییتیشگن.
امریکانینگ شمالی کارولینا ایالتیده محلی رسمیلرنینگ اعلام قیلیشیچه، مذکور ایالتنینگ ساوتپورت ساحلی شهریده یوز بیرگن آتیشمهده، اوچ کیشی اولیب و سکیز کیشی یرهلنگن.
جاپانده بوگونگی کونده ۵۰ مینگدن آرتیق کیشی ۱۰۰ یاشدن آشگن.
عیاللرنینگ ادارهلر و باشقه ایش تورلریده بندلیگی کېسکین کمهیگن بیر پیتده، سلاموطندار تدقیقاتلری شونی کورستهدی کی، افغانستاندهگی عیاللر تینگ نارسمی اقتصادیات یرهتماقدهلر؛ بو اقتصادیات کوچهلرده، اویلرده، کیچیک گالریلرده و حتا مجازی میدانده شکللنیب، کونسهیین کېنگهیب بارماقده.
بیرلشگن ملتلر تشکیلاتینینگ اوی-جای دستوری، افغانستان شرقیده یوز بیرگن زلزله نتیجهسیده بوزیلگن اویلرنینگ تیزلیک بیلن قیته قوریلیش ایشی باشلنیشینی معلوم قیلگن.
هندوستاننینگ تامیل نادو ایالتیده سیاستچی و سینما اکتیوری «ویجای چندراشکار» میزبانلیگی بیلن اوتکزیلگن سیلاو ییغیلیشیدهگی گوجوملیک جریانیده، کمیده ۳۹ کیشی اولیب و باشقه ۵۱ کیشی یرهلنگن.
اوتگن ۲۴ ساعتده نوار غزه گه اسرائیلنینگ اویوشتیرگن هجوملریده، کمیده ۹۱ فلسطینلیک قربان بولیب و باشقه اونلب کیشی یرهلنگن. الجزیرهنینگ بوگون (۶-میزان، یکشنبه)، گزارش بیریشیچه، اسرائیل نوار غزه گه هوا و ییر هجوملرینی کوچهیتیرگن.
پایتخت کابل شهریدهگی هیداوچیلردن بیرقطارینینگ ایتیشیچه، بازارده تیل نرخی آشیشی باعث درآمدلری آزهیب و کوندهلیک احتیاجلرینی حل قیله آلمسلیک بیلن دوچ بولگنلر. کابل شهریدهگی هیداوچیلردن بولمیش عبدالمومن، تیل نرخی آشیشی باعث عایله احتیاجلرینی تأمینلش گه قوربی یېتمهیاتگنینی معلوم قیلهدی.
