کیچه پیتی ساعت ۱۲دن اوتگن و شهر سکوت ایچیده بولگنی بیرحالده، پروان مرکزی چاریکار شهرینینگ کوچه و پسکوچهلرینی دَیدِی ایتلرنینگ آوازی آلگن؛ مذکور ایتلر شاوقینی بالهلرنینگ تینچلیک و اویقوسینی بوزگن.
بلخ ولایتی یشاوچیلری، اوشبو ولایت مرکزی مزارشریف شهریده ایکی کوندن بیری کیبلی و وایفای انترنت خذمتلری کېسیلگنینی ایتهدیلر. اولر گه کوره، ۲۴-سنبله، دوشنبه کوندن بیری ادارهلر، شرکتلر و یشش اویلرنینگ کیبل و وایفای انترنتی کېسیلگن. بلخ یشاوچیلری، حاضرگی کونده فقط مخابرات ترماقلری آرقهلی انترنتدن فایدهلنیشماقدهلیکلرینی معلوم قیلهدیلر.
تخار امنیه قوماندانلیگی سوزلاوچیسی نظامالدین عمیرنینگ ایتیشیچه، اوشبو ولایتده موسیقه چلیش عیبی بیلن بیش کیشی قولگه آلینگن.
دوحه شهریده عرب و اسلام دولتلری باشلیغلری اوتکزگن ییغیلیشلریده، اسرائیلنینگ قطر پایتختیده حماس رهبرلریگه هجومینی قارهلهدی؛ بیراق اشتراکچیلر عملی چارهلر کوریش بوییچه هېچ قندهی وعده بیرمهدیلر.
فلسطین ده ساغلیقنی سقلش رسمیلرینینگ اعلام قیلیشلریچه، نوار غزهنینگ بیر قطار بولیملریگه اسرائیل آرقهلی اویوشتیریلگن هجوملرده، کمیده ۶۲ کیشی قربان بولیب و اونلب کیشی یرهلنگن.
