امریکا قۉشمه ایالتلری جمهو باشلیغینینگ قماقخانه ایشلری بوییچه مخصوص وکیلی آدم بولر باشچیلیگیده هیئتی، کابل گه کیلدی. تشقی ایشلر وزیرلیگی سۉزلاوچیسینینگ اورین باسری ضیااحمد تکل، ۲۲-سنبله، شنبه کونی ایکس صحیفهسیده بیر بیانیه ترقهتیب بو حقده خبر بیرگن.
احصائیه و معلومات ملی ادارهسی، افغانستان قویاش ۱۴۰۴-ییل، اسد آییده ۱۴۴.۹ میلیون دالرلیک توار چیت ایل مملکتلر گه صادر قیلگنیدن خبر بیرگن.
کنگو دموکراتیک جمهوریتی عملدارلری، اوشبو مملکتنینگ شمالغربی حدودلریده ایکی کیمهنینگ چوکیب کیتیشی عاقبتیده چمهسی ۱۹۳ کیشی هلاک بولیب و باشقه اونلب کیشی لادرک بولگنینی بیلدیرگنلر.
بلخ و سمنگان ولایتلرینینگ محلی مسئوللری، اوشبو ولایتلرده یوز بیرگن علیحده ترافیکی حادثهلر نتیجهسیده تورت کیشی هلاک بولیب و باشقه ۶ کیشی یرهلنگنیدن خبر بیردیلر.
فلسطیندهگی منبعلر، اسرائیل اردوسینینگ غزه ایریم حدودلریده اویوشتیرگن هجوملری عاقبتیده چمهسی ۶۵ کیشی هلاک بولیب و باشقه اونلب کیشی یرهلنگنینی بیلدیرگنلر.
اسلام امیرلیگی باش وزیرینینگ اقتصادی اورین باسری عبدالغنی برادر، دنیا همجمعیتدن افغانستان گه بولگن تحریملرنی بیکار قیلیشنی اېستهگن. اسلام امیرلیگی باش وزیرینینگ اقتصادی اورین باسرلیگی ۲۱-سنبله، جمعه کونی ایکس صحیفهسیده بیر بیانیه ترقهتیب، برادر بو سۉزلرنی کنر ولایتیگه سفر قیلیب و اوشبو ولایتده زلزله طفیلی جبر کوگنلرنی یقیندن کوریش پیتیده بیان قیلگنینی ایتگن.
