افغانستان غربیده جایلشگن غور، بو ییل طبیعتنینگ قوروق سیماسی بیلن روپهره بولگن. اوشبو ولایتدهگی دهقانلردن قطارینینگ ایتیشلریچه، بو ییل یاغینگرچیلیک بولمهی، ییرلری قوروقچیلیک طفیلی یاریلیب و امید بیلن توپراققه ایککنلری دانهلر چیقمهگن. اولرنینگ کوپهیتیریشیچه، بو ییل هیچ قندهی محصول قولگه کیلتیرمهگنلری یانیده، بار دانه و سرمایهلرینی هم قولدن بیرگنلر.
فلسطین ده ساغلیقنی سقلش رسمیلرینینگ اعلام قیلیشیچه، اسرائیل آرقهلی غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۵۳ کیشی قربان بولیب و اونلب کیشی یرهلنگن.
بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگی، افغانستان ده قیتگن قاچقینلرگه پول ترقهتیلیش مرکزلری فعالیتینینگ توختهتگنینی معلوم قیلگن.
«کفش انگوری» تولیدی و صناعتی شرکت مسئولی هادی فیاضینینگ ایتیشیچه، مذکور شرکتده کونده ۲۰ مینگته بوت ایشلب چیقریلیب و مملکتنینگ برچه ولایتلریگه یوباریلهدی.
اروپا پارلمانی، اروپا بیرلشمهسیگه اعضا مملکتلر آرقهلی قبول قیلینگن قطعنامه بیلن، فلسطین نی مستقل بیر مملکت صفتیده تن آلینیشینی ایستهگن. اروپا پارلمانی، قطعنامهسیده عاجل آتیش کیسین برقرار بولیشی، گروگه آلینگنلرنینگ شرطسیز شکلده آزاد بولیشی و نوار غزه ده توقنشوولرنینگ یکونلنیشینی سورهگن.
پنجشیر حاکمی سوزلاوچیسی سیفالدین لتوننینگ ایتیشیچه، اوشبو ولایتده رسمی ییغیلیشلردن صورت آلیش تقیقلنگن. اونینگ کوپهیتیریشیچه، اوشبو قرار پنجشیر حاکمی محمدآغا حکیم آرقهلی اوتکزیلگن بیر ییغیلیشده آلینگن.
