اسلام امیرلیگی مسئوللری، کنرده یوز بیرگن زلزله عاقبتیده حاضرگه قدر بیر مینگ ۴۵۷ کیشی هلاک بولیب و باشقه اوچ مینگ ۳۹۴ کیشی یرهلنگنیدن خبر بیردیلر. اسلام امیرلیگی سۉزلاوچیسینینگ اورین باسری حمدالله فطرت، بوگون (۱۲-سبنله، سهشنبه) ایکس صحیفهسیده بیر بیانیه ترقهتیب بو حقده خبر بیرگن.
تورکیه افغانستاننینگ کنر ولایتیده زلزله طفیلی جبر کورگنلر اوچون انسان سیورلیک یاردملرینی یوبارگن.
پاکستان عالی اوقوو کمیسیونی، افغانستانلیک طلبهلر اوچون «علامه محمد اقبال» تحصیلی بورسیهلرینینگ اوچینچی باسقیچی باشلنگنیدن خبر بیردی.
چیکلاولر افغانستانلیک قیزلرنینگ حیاتیگه سایه تشلهگنی بیرحالده، هرات ده قیزلردن قطاری امید و قیزیقیش بیلن تذهیب صناعتیگه یوز کیلتیریب، رنگ و قلم تیلی بیلن گپلشهدیلر و بو صناعت پناهیده کیلهجکلری اوچون تینچلیک و امیدنی سقلش مقصد حرکت قیلهدیلر. مذکور قیزلرنینگ ایتیشلریچه، صناعت چیکلاولر و و قرانغولر آرهسیده اولر اوچون خوفسیز باشپنه صفتیده بولگن.
بیرلشگن ملتلر تشکیلاتینینگ آزیق-آوقت دستوری گه کوره، افغانستاننینگ شرقی حدودلریده زلزله یوز بیرگن قیشلاقلر بیلن، ییر تیگیس بولمسلیگی سببلی علاقه اوزیلگن. اوشبو اداره، بوگون (۱۲-سنبله، چهارشنبه) ایکس صحیفهسیده زلزله یوز بیرگن قیشلاقلرنینگ یوللری توسیلیشی سببلی، زلزله جبر دیدهلری قیین احوال گه قالیب و انسان سیورلیک یاردملردن فایدهلنه آلمسلیککه سبب بولگنینی یازگن.
اسرائیل باشوزیری بنیامین نتانیاهونینگ اعلام قیلیشیچه، اوروشنینگ اینگ مهم باسقیچیده بولیب و غزه شهرینی باسیب آلیش اوچون تیارلنهدی. بو بیلن بیرگه فلسطین ساغلیقنی سقلش وزیرلیگینینگ گزارش بیریشیچه، بیر کیچهوکوندوزده نوار غزه بویلب کمیده ۱۰۵ کیشی قربان بولگن.
یېتکرمهلرنینگ معلوماتی اساسیده، بو واقعه ۱۱-سنبله، سهشنبه کونی شام چاغی کویته شهریده شاوانی سپورت کلوبی یقینیده یوز بیرگن. معلوماتلر گه کوره، بلوچ محلی رهبرلریدن بولمیش عطاالله منگلنینگ وفاتی ییللیگیدن نشانلش مراسمی جریانیده واقعه یوز بیریب و نتیجهده ۱۷ کیشی هلاک بولیب و باشقه ۳۶ کیشی یرهلنگن.
اسلام امیرلیگی باش وزیرینینگ اقتصادی اورینباسری عبدالغنی برادر، شمالی ولایتلرگه قیلگن سفری دایرهسیده، سرپل ولایتی بلخاب تومنی تاش کومیر کانینینگ مسلکی قازیب چیقریش ایشینی رسمی طرزده آچدی.
