سوراو نتیجهسیگه کوره، بادغیس ۹۷ فایز تاثیرلنیش بیلن جبرلنگن ولایتلر رویخطینینگ بیرینچی اورنیده بولیب و انقراضلی وضعیتگه دیر. لوگر ۹۴.۱۲ فایز و قندوز ۹۲ فایز بیلن کیینگی اورینلرده جایلشیب، یوقاری درجهدهگی قورغاقچیلیک بیلن روپهره دیر.
بدخشان محلی رسمیلری، اوشبو ولایت کوهستان تومنی یشاوچیلری شخصی پوللریدن باشلنغیچ بیر مکتب توزهتهدیلر.
اسلام امیرلیگی صناعت و سودا وزیرلیگی، سۉنگی اوچرهشوولرده افغانستان و روسیه تاتارستان جمهوریتی اورتهسیده ۱۸۳ میلیون دالرلیک سودا بیتیمی امضالنگنینی معلوم قیلگن. اوشبو وزیرلیک، بوگون (۱۶-اسد، پنجشنبه) بیر بیانیه ترقهتیب ایکّی تامان نفت و انشاآت ساحهلریده همکارلیک قیلیش بوییچه شرطنامه امضالهگنینی بیلدیرگن.
فلسطین ساغلیقنی سقلش رسمیلری، ایرتهلبدن حاضرگه قدر غزه بویلب اسرائیل اردوسینینگ هجوملری عاقبتیده چمهسی ۲۳ کیشی هلاک بولگنیدن خبر بیرگنلر.
ایران اسلامی جمهوریتی ینگیلیکده هستهای عالملریدن بیری روبه وادی نی «موساد گه جاسوسلیک و همکارلیک» قیلیش عیبی بیلن دار گه آسگن.
روسیه تاتارستان جمهوریتی، افغانستان کانلری بولیمیده سرمایه یاتقیزیش گه قیزیقیشینی بیلدیرگن. کانلر و پترولیم وزیرلیگی سرپرستی هدایتالله بدری، روسیه تاتارستان جمهوریتی باش وزیرینینگ اورین باسری و صناعت سودا وزیری ولادیمیروویچ کوروبچینکو بیلن اوچرهشیب اقتصادی علاقهلرنی مستحکملش و ایکّی تامان اورتهسیدهگی سرمایه یاتقیزیش مسئلهلری حقیده بحث ایتگن.
اسرائیل اردوسی تامانیدن غزه قمراو گه آلینیش دوامی و انسان سیورلیک یاردملر گه رخصت بیریلمسلیگی سببلی، ۲۴ ساعت ایچیده آچلیک سبب «بیش» کیشی جملهدن «ایکّی» باله وفات ایتگن.
