ساعت ایرتهلبکی ۹:۰۰. کابل شهرینینگ اېنگ گوجوم سرکلریدن بیریده ۷۰ یاشر بیر کیشی صبر و مخصوص دقت بیلن، ییللر و اولاد دن-اولاد قالگن بویوملرنی یانمه-یان تیرماقده؛ بو بویوملر تاریخ و تورلی خلقنینگ مدنیت گوزهلیکلرینی عکس اېتّیرهدی. بولر فقط سودا اوچون بولگن توارلر اېمس، بلکه استه-سیکین تمدن و مدنیتلردن یوقالیب بارهیاتگن ساکن ایلچیلر دیر.
اسلام امیرلیگی سیناولر ملی ادارهسی، بوگون (۲۹-سرطان، یکشنبه)، ۱۴۰۴-ییل کانکور سیناوی عمومی نتیجهسینی اعلام قیلدی. اوشبو ییل کانکور سیناویده کابل شهریدن سیدداوود ساداتنینگ اوغلی سیدموسا، ۳۵۶.۵۷۴۱۵ نمره بیلن بیرینچی بولیب و کابل طب بیلیم یورتی گه یول تاپگن.
ایران ییتکرمهلری، اوشبو مملکتدن افغانستانلیک قاچقینلرنینگ چیقریلیش مدتی اوزهیتیریلگنیدن خبر بیرگنلر. خراسان رضویده ایران تشقی ایشلر وزیرلیگینینگ نمایندهلیک باشلیغی احمد معصومیفرگه کوره، حجتسیز افغانستانلیک قاچقینلرنینگ چیقریلیش مدتی ۱۵-سنبلهگچه اوزهیتیریلگن.
خلقارا ییتکرمهلرنینگ گزارش بیریشیچه، اوتگن ۲۴ ساعت ایچیده اسرائیل اردوسینینگ ییر و هوا هجولریده، کمیده ۱۱۶ فلسطینلیک قربان بولگن. الجزیره ترماغینینگ بوگون (۲۹-سرطان، یکشنبه)، گزارش بیریشیچه، اسرائیل آرقهلی غزهنینگ وقفهسیز بمباردمان بولیشی حاضرگچه دوام ایتماقده.
جوزجان ایکینچیلیک، سووغاریش و چاروهچیلیک ریاستی، اوشبو ولایت مرکزی شبرغان شهری و اونتله تومنلریده، ۱۱۱ ته نمایشی سبزهوات میدانچهلری قوریلیشیدن خبر بیرگن.
امریکا قۉشمه ایالتلری لاسانجلس شهری محلی رسمیلری، کنسرت اوتکزیلیشی جاییگه کیریش اوچون صف تارتگنلر آرهسیده بیر موترنینگ اوریلیشی عاقبتیده چمهسی ۳۰ کیشی یرهلنگنینی معلوم قیلگنلر.
هرات ده محلی مسئوللرنینگ ایتیشلریچه، بو ییل اوشبو ولایت باغلریدن ۱۸۰ مینگ تُن اوزوم حاصل آلینیشی ممکن. هرات ایکینچیلیک، چاروهچیلیک و سووغاریش ریاستینینگ رواجلنتیریش مدیری بشیراحمد احمدیگه کوره، بو ولایتدهگی ۱۴.۵ مینگ هکتار باغدن قریب ۱۸۰ مینگ تُن اوزوم حاصل آلینهدی.
انچه ییلدن بیری عایلهسی بیلن فرانسهده یشب کېلهیاتگن یازووچی و ژورنالیست سیاره رحمانی، فرانسه مهاجرلر پارلمانی گه یول تاپگن. سیاره رحمانینینگ ایری قیس رحمانی ۲۸-سرطان، شنبهدن یکشنبه گه اوتر کیچه فیسبوک صحیفهسیده بو حقیده خبر بیرگن. اونینگ یازیشیچه، سیاره رحمانی اوشبو مملکتده اۉتکزیلگن مهاجرلر پارلمانی سیلاویده اینگ کۉپ ایشانچ آوازنی قۉلگه کېریتگن.
