قوروقچیلیکلر و «کفشک» اسملی آفت، جاری قویاش ییل بادغیس ده یوزلب دهقان عیالنینگ محصوللریگه جدی شکلده زیان ییتیشتیرگن. اوشبو ولایتدهگی دهقان عیاللردن قطارینینگ ایتیشلریچه، بوندن آلدین عایلهلر نیازلرینی تامین قیلهدیگن ایکینچیلیک ییرلر، حاضر ایسه سووسیز و قویاش نوری آستیده، قوریب و بیثمر بولیب قالگن. شونینگدیک «کفشک» آفتی قالگن محصوللرنی اورتهدن کیتگزیب و اولرنی جدی اقتصادی قیینچیلیک بیلن روپهره قیلگن.
غزنی ده شفاکارلردن قطارینینگ ایتیشلریچه، عیاللر اوچون حاملهدارلیک دوریده روحی کسللیکلر، آنه و چقهلاق سلامتلیگینی کوپینچه قیینچیلیک بیلن روپهره قیلهدی. مذکور شفاکارلرنینگ اورغولشیچه، روحی سلامتلیک برچه کیشی اینیقسه حاملهدار عیاللر اوچون مهم بولگنی بیرحالده، بیراق عایلهلردن قطاری آرقهلی بو توغریده اعتبار قرهتیلمهیدی.
غزنی ولایتی آببند تومنی حدودلریده بوگون (۲۷-سرطان، جمعه)، توشدن کیین ترافیکی حادثه یوز بیرگن. غزنی امنیه قوماندانلیگی سوزلاوچیسی خالد سرحدینینگ سلاموطندار گه ایتیشیچه، مذکور حادثه آببند تومنینینگ «توده چینه» ساحهسی، کابل-قندهار قتناو یولیده یوز بیرگن.
سرپرست حکومت تشقی ایشلر وزیرلیگی سوزلاوچیسی عبدالقهار بلخینینگ ایتیشیچه، جرمنی حکومتی بیلن باتفصیل صحبتلردن کیین، اوشبو مملکتدن افغانستانلیک ۸۱ مهاجر چیقریلگن.
اوکراین جمهور باشلیغی ولودیمیر زلنسکی، ۳۹ یاشر یولیا سویریدنکو نی اوشبو مملکت باش وزیری صفتیده تعیینلگن. سویریدنکو، اوتگن کون (۲۶-سرطان، پنجشنبه)، اوکراین پارلمانی آرقهلی صلاحیتی تصدیقلنگنیدن سونگ، ۲۰۲۰-ییلدن بیری باشوزیر صفتیده ایشلهگن دنیس شمیخالنینگ اورنینی ایگهلهگن.
الجزیرهنینگ گزارش بیریشیچه، ۲۶-سرطان، پنجشنبه کونیدن حاضرگچه، اسرائیل آرقهلی غزه گه اویوشتیریلگن هجوملر نتیجهسیده، کمیده ۵۶ فلسطینلیک قربان بولگن.
مملکتنینگ قطار ولایتلری یشاوچیلری، کوندهلیک قیینچیلیکلری یانیده سونگی ییللرده هوا اوزگریشلری و قوروقچیلیکنینگ سلبی تاثیرلری بیلن هم روپهرهلر. بو آرهده غزنی ولایتی یشاوچیلری نیچه ییلدن بویان کیتمه-کیت قوروقچیلیکلرنی تجربه قیلیب و سوو کملیگی قیینچیلیگی ایسه ایکینچیلیک و چاروهچیلیککه علاوه، حاضر اهالینینگ اجتماعی حیاتینی هم نشان گه آلگن.
تخار ولایتیده ۸ ترقیاتی لایحه جملهدن ماورای کوکچه سرکلرینینگ اسفالت قیلیش بودجهسی تصدیقلنگن. تخار حاکمیتی مطبوعات ادارهسی، ۲۶-سرطان، پنجشنبه کونی بیر بیانیه ترقهتیب بو حقده خبر بیرگن.
یاغینگرچیلیکلر جنوبی کوریانینگ اَیریم حدودلریده کیتمه-کیت اوچینچی کون دوام ایتماقده و حاضرگچه کمیده تورت کیشینینگ اولیمی و ۵۰۰۰ دن آرتیق کیشینینگ اویلرینی ترک قیلیشلریگه سبب بولگن.
غزنی ولایتیده حیوانلر سلامتلیگی بولیمیده خصوصی بیر کسلخانه آچیلیب و ۲۶-سرطان، پنجشنبه کونی فعالیتگه باشلهگن. مذکور کسلخانه مسئولی حبیبالله فیضینینگ ایتیشیچه، بو کسلخانه چاروهلرگه ستندرد طبی خذمتلر کورسهتیلیشی و چاروهچیلرگه آسایشتهلیک یرهتیلیشی مقصد، ۱۷۰ مینگ دالر عوضیگه قوریلگن.
