قزاقستان جمهور باشلیغی قاسم جومارت توکایف، افغانستان ایشلری بوییچه بو مملکتنینگ مخصوص وکیلی گه، اسلام امیرلیگی رسمیلری بیلن اینیقسه سودا، اقتصادی و انسانسیورلیک ساحهلریده فایدهلی همکارلیک جریانینینگ آسانلشتیریش بویروغینی بیرگن.
امریکا جمهور باشلیغی دونالد ترامپنینگ ایتیشیچه، اوکراین روسیه پایتختی مسکونی نشانگه آلمسلیگی کیرهک. الجزیره، بوگون (۲۵-سرطان، چهارشنبه)، گزارش بیریشیچه، امریکا جمهور باشلیغی اوکرایننینگ مسکو گه هجوم قیلیشیگه قرشی چیققن.
«افغانستان پولیدن بوش» آتیدهگی نهاد، افغانستاننینگ تورلی حدودلریده بالهلر فلجی (پولیو) گه قرشی اېملش کمپاینی باشلنیشینی معلوم قیلگن.
خلقارا ییتکرمهلرنینگ گزارش بیریشیچه، ینگیلیکده یاردم آلیش اوچون سعیوحرکت قیلهیاتگن فلسطینلیکلرنینگ اسرائیل کوچلری آرقهلی اوققه توتیلگنی سبب، ۳۰ کیشی قربان بولگن.
قوریتیلگن میوهلر انسان سلامتلیگی اوچون مهم بولگن آزیق-آوقتلردن بیری حسابلنهدی. اولر اۉز ترکیبیده ارگانیزم اوچون ضرور ویتامین و مینراللرنی سقلب قالهدی. بو محصولاتلر اینیقسه آوقت هضم قیلیش تیزیمی، مصوونیت و عمومی سلامتلیک اوچون جوده فایدهلی. بیراق اولرنی استعمال قیلیشده معیار گه رعایه قیلیش و احتیاطکار بولیش هم مهم.
جوزجان ده محلی مسئوللرنینگ ایتیشلریچه، اوشبو ولایت مرکزی شبرغان شهریده جایلشگن افغان-تورک بالهلر کسلخانهسی حدودیده، ۱۶ میلیوندن آرتیق افغانیلیک بیر مارکیت قوریلیب و فایدهلنیشگه تاپشیریلگن.
تخار ولایتی امنیتی مسئوللری، اوشبو ولایتده ییتّی مینگدن آرتیق کیلوگرام بنگیوار ماده آلاو بیریلگنیدن خبر بیرهدیلر.
بدخشان ولایتی یفتل تومنینینگ «رباطک» قیشلاغیده، مطیعالله مخبت اسملی بیر ییگیت، اوچ آیده «بدخشان» آتیده بیر دستورنی دیزانلهگن. مطیعالله مخبتگه کوره، بو دستورنینگ دیزاینلهگنیدن مقصد، بدخشان ولایتینینگ فرهنگی، تاریخی و طبیعی جایلرینی تانیشتیریش دیر.
