فاریاب معلومات و مدنیت باشلیغی شمسالدین محمدینینگ ایتیشیچه، ایران دن افغانستانلیک قاچقینلرنینگ جبری شکلده چیقریلیش جریانی دوام قیلگنی بیرحالده، حاضرگچه ۳۰ دن آرتیق موترده قریب ۶۰۰ قاچقین، بو ولایتده انتقال تاپگن.
روسیه، اوتگن کیچه ۲۶ کروز راکته و ۵۹۷ پهپاد بیلن اوکرایننینگ بیر قطار بولیملرینی نشانگه آلگن که نتیجهده، ۲۲ کیشی اولیب و یرهلنگن.
اسلامی جمهورلیک رهبری سیدعلی خامنهای، قطر ده العدید حربی قرارگاهسیگه ایراننینگ اویوشتیرگن هجومیگه اشاره قیلیب و ایتیشیچه، «کیچیک بیر حادثه ایمس، بویوک و تکرارلنیشی ممکن بولگن بیر واقعه دیر.»
ترانسپورت و هوا یوللری وزیرلیگینینگ یول بوییچه ترانسپورت معینی عبدالسلام حیدری، کابل ده قزاقستان ترانسپورت وزیرلیگی اورینباسری کالیاکپاروف بیلن اوچرهشگنیده، ایکی مملکت آرهسیده آلیش-بیریش بولیمیده همکارلیکلر آشیشی توغریسیده صحبت قیلگن.
امریکا تشقی ایشلر وزیرلیگی اوشبو مملکت جمهور باشلیغی دونالد ترامپنینگ بویروغی بیلن، بیر مینگ ۳۰۰ ایشلاوچیسینینگ ایشدن بوشهتیش جریانینی باشلهگن.
غزه کسلخانهلریدهگی منبعلرنینگ ایتیشلریچه، اوتگن ۲۴ ساعتده نوار غزه بویلب اسرائیل کوچلرینینگ اویوشتیرگن هوا و ییر هجوملری نتیجهسیده، کمیده ۴۵ فلسطینلیک قربان بولگن.
بامیاننینگ تاریخی تاغلری بغریده، مذکور ولایتده سیاحتچیلیک اورتهدن کیتمسلیگی و رواجلنیشی اوچون قیزیقیش و خلاقیت بیلن سعیوحرکت قیلهدیگن یاشلر حیات کیچیرماقده. اجتماعی ترماقلرده سیاحتچیلرنی رهنمالیک قیلیشدن کوریشگه سزاوار جایلرنی تانیشتیریشگه قدر، اولر بو صناعت ترقیاتیده اونملی رول اینهیدیلر. بامیان قول تیگمهگن طبیعتی و تاریخی اثرلری بیلن ییللردن بیری ایچکی و چیتایللیک سیاحتچیلر میزبانی دیر. بو آرهده مذکور صناعتنی تانیشتیریش و قوللب-قوتلشده یاشلر فعال شکلده حصه قوشهدیلر.
هوا ایسیقلیگی، برق یوقلیگی، ناتوغری آوقتلنیش، اقتصادی قیینچیلیکلر و مسئولیت یوکی، ننگرهار ده قیزلرنینگ فشار پسلیک، حالسیزلیک، ایسیتمه، باش آغریق و جسمانی ضعیفلیک بیلن روپهره قیلگن سببلردن دیر. ننگرهار، افغانستاننینگ ولایتلریدن بیری بولیب، یاز موسومی باشقه ولایتلرگه قرهگنده کوپراق ایسیق دیر.
غورنینگ قوروق تاغلریگه، ییللردن بیری بو ولایتنینگ طبیعتیده «یامه» یا-ده «افدارا» آتیده دایم یشیل بولگن و کوچلی بیر اوسیملیک چیقهدی که بو اوسیملیک غور یشاوچیلری اوچون نه فقط قتیق قیشلرده یاقیلغی ماده صفتیده بیر منبع، بلکیم عنعنوی طبیاتده هم اونملی بیر دارو حسابلنهدی. لیکن غور یشاوچیلریدن قطارینینگ ایتیشیچه، شیشه تورلی بنگیوار مادهنینگ توزهتیلیشی اوچون تاغلردن حددن تشقری ییغیلهدیگن اوشبو اوسیملیک، تیز بیر شکلده یوقالماقده.
