سلاموطندارنینگ افغانستان تورلی ولایتلریده ۴۰ محتاج عیال بیلن اۉتکزگن صحبتی اساسیده، امریکا قۉشمه ایالتلرینینگ یاردم بیرووچی تشکیلاتلر گه یاردملری کېسیلیشی بیلن بیرگه، اوشبو عیاللرنینگ آزیق-آوقت، طبی و تعلیم خذمتلریدن فایدهلنیشی سیزیلرلی درجهده کمهیشیگه سبب بولگن.
فلسطین دولتی مطبوعات ادارهسی، اۉتگن ۴۸ ساعت ایچیده، اسرائیل حربی کوچلرینینگ هوا و ییر هجوملری عاقبتیده ۳۰۰ دن آرتیق فلسطینلیک قربان بولگنینی معلوم قیلگن.
اندونیزیا ده جایلشگن بالی جزیرهسی یقینیده، ۶۵ یولاوچیسی بولگن بیر کیمهنینگ چوککنی نتیجهسیده، حاضرگچه تورت کیشی اولیب و ۳۰ کیشی یوقالگن.
اسرائیل تشقی ایشلری وزیری گیدئون ساعرنینگ ایتیشیچه، مذکور مملکت نوار غزه ده آتیش کیسین برقرار ایتیلیشی و گروگه آلینگنلرنینگ المشتیروو بوییچه کیلیشووگه ییتیشیش اوچون «جدی» بولیب و بو توغریده بیر قطار «ایجابی نشانهلر» هم کوریلهدی.
فواید عامه وزیرلیگی، قویاش ۱۴۰۴-ییل، حمل، ثور و جوزا آییلریده مملکت تیمیر یوللری آرقهلی ۹۵۳ مینگ ۲۰ متریک تُن توار، آلیش-بیریش بولگنینی معلوم قیلگن.
آذربایجان باش وزیری علی اسدوف، اسلام امیرلیگی باش وزیرینینگ اداری اورین باسری عبدالغنی برادر بیلن اوچرهشووده، مملکتی افغانستان بیلن سودا، سرمایه یاتقیزیش و اقتصادی همکارلیک قیلیش گه قیزیقیشینی معلوم قیلگن. اسلام امیرلیگی باش وزیرینینگ اقتصادی اورین باسرلیگی، بوگون (۱۲-سرطان، پنجشنبه) بیر بیانیه ترقهتیب بو حقده خبر بیرگن.
