سمنگان ایکینچیلیک، چاروهچیلیک و سووغاریش ریاستیده مسئوللرنینگ ایتیشلریچه، بوگون (۸-سرطان، یکشنبه)، اوشبو ولایت مرکزی ایبک شهریده بیر کونلیک ایکینچیلیک محصوللری، ایچکی تولیدلر و قول صناعتی کورگزمهسی اوتکزیلگن.
اسلام امیرلیگی قۉشمه هیئتی، بنگیوار مادهلر گه قرشی کورهش اوچینچی ییغیلیشی و خصوصی سکتور تخنیکی کمیته ایکینچی ییغیلیشیده اشتراک اېتیش اوچون، قطر جونب کېتگن.
تخار ولایتی محلی مسئوللری، اوشبو ولایتده ییتی مینگ ۷۹۲ کیلوگرام بنگیوار مادهلری آلاو بیریلگنیدن خبر بیرهدیلر.
بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، ینگیلیکده بیر گزارش ترقهتیب آگاهلنتیریشیچه، افغانستان حاضرگچه بالهلردن کوپ قطاری واکسین بولمهگن یا-ده (Zero-dose)، ۲۰ مملکت قطاریگه کیرهدی.
روسیهنینگ اوکراین گه ینگی هجوملری عاقبتیده، بیر باله شامل آلتی کیشی یرهلنگن.
اسلام امیرلیگی باش وزیرینینگ اداری اورین و مهاجرلر قیینچیلیکلرینی حل قیلیش عالی کمیسیون باشلیغی عبدالسلام حنفی، قیتگن مهاجرلر اوچون مملکتنینگ ۲۵ ولایتیده ۳۵ شهرچه قوریلیشینی معلوم قیلگن.
غزه شهریگه اسرائیل کوچلرینینگ اویوشتیرگن باشقه بیر هجومیده، ۹ باله شامل کمیده ۶۰ کیشی قربان بولگن.
ایرانده سۉنگی سیاسی اۉزگریشلر جملهدن اسرائیل بیلن اوروش، افغانستانلیک مهاجرلر اوچون حیات شراطینی اوتمیش گه نسبتن قیینلشتیرگن. ایراندهگی بو یاشلر آز درآمد، کوپ ایشلش، انیق کمسیتیلیش و سیستماتیک حقارت بولیش بیلن یوزمه-یوز بولگن بو یاشلر، اېندی نه ترقیات اوچون امیدلری بار و نه هم ایش و حیات کیچیریش جایلریده امنیت حس قیلهدیلر.
ایران دن قیتهدیگن افغانستانلیکلرنینگ سانی کوپهیگنی بیلن بیرگه، بیرلشگن ملتلر تشکیلاتی قیتهدیگنلرنینگ آغیر احوالیگه نسبت آگاهلنتیریب و کوپینچه نیازمندلیکلرگه جواب بیریلیش مقصد، عاجل مالی یاردم سورهگن.
بو مسابقه، ۷-سرطان، شنبهدن یکشنبه گه اوتر کیچه، جرمنی هامبور شهریده اۉتکزیلگن. ۳۱ یاشر افغانستانلیک آزاد مبارزهلر سپورتچیسی واحدالله نژند، اوشبو بیللشوونینگ ایکینچی روندیده تاجیکستانلیک رقیبی گه غلبه قازانیب و اۉز غلبهلر سانینی ۱۰ گه یېتکزیش گه اولگورگن.
الجزیره، بوگون (۸-سرطان، یکشنبه) محلی رسمیلردن نقل قیلیب، اسرائیل تامانیدن غزه قمراوگه آلینیشی، قوریق سوت (شیر خشک)، آزیق-آوقت قۉشیمچهلری و باشقه ضروری نرسهلر یېتیشمسلیگی، انسانی بحراننی کونسهیین آشیرماقدهلیگی حقیده خبر بیرگن.
