اسلام امیرلیگی سۉزلاوچیسی ذبیحالله مجاهد، امریکا مجلسی وکیللرینینگ افغانستانده «عصیانچی» گروهلر بارلیگی حقیدهگی ینگی بیاناتی گه مناسبت بیلدیریب بو ادعانی رد اېتگن. مجاهد، بوگون (۶-سرطان، جمعه) ایکس صحیفهسیده یازیشیچه: «امریکا مجلسی نامیدن بیان قیلینگن ادعا، گویا که افغانستانده تشقی گروهلر موجود یا که کیملرگه دیر تهدید سالماقده، قطعی شکلده رد اېتهمیز.»
هرات ولایتی محلی مسئوللری، اۉتگن بیر هفته ایچیده، ۱۰۰ مینگدن آرتیق مهاجر اسلامقلعه چېگرهسی آرقهلی ایراندن هرات گه قیتگنینی معلوم قیلگنلر.
فاریاب محلی مسئوللری، اوشبو ولایتنینگ «دولتآباد» اولسواللیگیده یوز بیرگن ترافیکی حادثهده آلتی کیشی قربان بولیب و باشقه اوچ کیشی یرهلنگنیدن خبر بیرهدیلر. فاریاب امنیه قوماندانلیگی، بیر بیانیه ترقهتیب بو واقعه ۵-سرطان، پنجشنبه کونی عصر پیتی، دولتآباد اولسواللیگی «جنگل» حدودلریده یوز بیرگنینی معلوم قیلگن.
اسلام امیرلیگی تشقی ایشلر وزیرلیگی سرپرستی امیرخان متقی، کابلده ایران ایلچیسی علیرضا بیکدلی بیلن اوچرهشووده، بو مملکتده افغانستانلیک قاچقینلر جبری چیقریلهیاتگنیدن خواطر بیلدیریب و اولرنینگ باسقیچمه-باسقیچ و ترتیبلی روشده چیقریلیشینی اېستهگن.
