اسلام امیرلیگی فواید عامه وزیرلیگی، سالنگ یونهلیشینینگ یریم قالگن ایشلرینی اساسی شکلده قیته قورهدی و بو یونهلیش قربان هییت بیرهمیدن سۉنگ بوتون یوک تاشووچی موترلر یوزیگه یاپیلیشینی معلوم قیلهدی.
انتیبیوتیک، باکتری عفونتلر گه قرشی کورهش اوچون بولگن دارو؛ ساغلیقنی سقلش ایش بیلرمانلرینینگ ایشانچی گه کوره، بو دارونی ناقانونی استعمال قیلیش نهفقط کسلنی دوالش گه یاردم بیرمهیدی، بلکه اوزاق مدت اوچون تنهنی بو دارو برابریده ایکّی برابر کوچلی قیلیشی ممکن.
فواید عامه وزیرلیگی، قویاش ۱۴۰۴-ییل ثور آییده مملکت تیمیر یوللری آرقهلی ۳۳۲ مینگ ۸۳۷ متریک تُن توار، آلیش-بیریش بولگنینی معلوم قیلگن.
سرپرست حکومت کانلر و پترولیم وزیرلیگی، نورستان ولایتی دوآب اولسواللیگیده «ماوی» کانی قیمت و یریم قیمتبها تاشلری، ۴۲ میلیون افغانی عوضی گه ساتیلگنیدن خبر بیرهدی.
اسلام امیرلیگی قاچقینلر وزیرلیگی، پاکستاننینگ تورلی قماقخانهلریدن ۳۴ افغانستانلیک قاچقین قوییب یوباریلگنینی معلوم قیلهدی.
حیض کوریشنینگ بوزیلیشلری؛ متخصصلرنینگ ایتیشیچه، حیض بوزیلیشلری یینگیلیدن آغیریگچه ۱۵۰ گه یقین علامت گه ایگه بولیب، کوپچیلیک یاش عیاللر بو حالتنی باشدن کېچرهدی. افغانستاننینگ سنتی جامعهسیده بو حالت، حیات شرایطلرینینگ چېکلنگنلیگی، اعتبارسیزلیک و اویت دیب حسابلنیشی سببلی کوپلب عیاللرنینگ اجتماعی حیاتیگه سلبی تأثیر کورستهدی.
روسیهنینگ «بریانسک» حدودلریده تیمیر یولی اوستیده بیر کوپریکنینگ قولشی عاقبتیده، چمهسی ۷ کیشی هلاک بولیب و باشقه ۶۹ کیشی یرهلنگن.
خلقارا یېتکرمهلرنینگ معلوماتی اساسیده، نایجریاده سوو تاشقینلری عاقبتیده چمهسی ۱۵۱ کیشی هلاک بولیب و باشقه اوچ مینگدن آرتیق کیشی یرهلنگن.
فرانسه نمایندهسی پاریسن ژرمن فوتبال تیرمه جماعهسی، بیرینچی مرته اروپا قهرمانلر لیگیده قهرمان بولدی. اوشبو مسابقه، ۱۰-جوزا، شنبهدن یکشنبه گه اوتر کیچه، جرمنی «آلیانز آرینا» کلوبیده اۉتکزیلدی. بو مسابقهده پاریسن ژرمن جماعهسی ۵-۰ حسابی بیلن ایتالیا نمایندهسی اینتر میلان گه غلبه قازاندی.
