تخار محلی رسمیلری گه کوره، خلق تکلیفی و اوشبو ولایت حاکمینینگ بویروغی اساسیده، اوشبو ولایتنینگ ماورای کوکچه اینیقسه «دشتقلعه، خواجهبهاوالدین، ینگیقلعه و درقد» اولسواللیکلریده برق یېتکزیش لایحهنینگ تخنیکی ایشلرینی تېکشیریش مقصدیده، بیر هیئت تعیینلنگن.
غزنی ده بوگون (۸-جوزا، پنجشنبه)، بیر دین عالمی تامانیدن ۱۲ ییگیتنینگ توپلم توی مراسمی اوتکزیلگن. مذکور دین عالمی سیدگلاحمد معتمدینینگ سلاموطندار گه ایتیشیچه، جاری ییل جریانیده اوشبو ولایتده تورت مرته توپلم توی مراسمینی اوتکزیب و کیلهجکده هم بو کبی برنامهلرنی اوتکزیشگه دوام بیرهدی.
سیناولر ملی ادارهسینینگ اعلام قیلیشیچه، کانکورسیناوینینگ بیرینچی باسقیچی ۱۱ ولایتده باشلنیب و ایکی کونگچه دوام قیلهدی.
فلسطین ساغلیقنی سقلش وزیرلیگی رسمیلرینینگ ایتیشلریچه، نوار غزه بویلب اسرائیلنینگ بوگون اویوشتیرگن هجوملریده، کمیده ۳۷ کیشی قربان بولیب و اونلب کیشی یرهلنگن.
ملی ترقیات شرکتی مسئوللرینینگ ایتیشلریچه، قوشتیپه کانالی ایکینچی فازینینگ ۹۰ فایز ایشی یکونلنیب و لایحهنینگ بو بولیمی تیزلیک بیلن فایدهلنیشگه تاپشیریلهدی.
فراه ده محلی مسئوللرنینگ ایتیشلریچه، خوفسیزلیک کوچلری آرقهلی اوشبو ولایت لاشجوین تومنیده ۶۸۹ باش قوینینگ قاچاق بولیشی آلدی آلینگن.
هرات ولایتی محلی مسئوللری، بیرینچی مرته فرانسهدن یوکلنگن «قوروق سوت» سودا توارلری، هرات-خواف تیمیر یولی آرقهلی بو ولایتنینگ «روزنک» بیکتی گه اېتیب کېلگنیدن خبر بیرهدیلر. هرات حاکمی سۉزلاوچیسی محمدیوسف سعیدی گه کوره، بو سودا توارلری «قوروق سوت»دن عبارت بولیب و سکیز کانتین گه فرانسهدن یوکلنیب و هرات گه اېتیب کېلگن.
خلقارا ساغلیقنی سقلش تشکیلاتینینگ ایتیشیچه، افغانستان ده کسللیکنی انیقلش خذمتلری یخشیلنیشی و لابراتوارلر ظرفیتی آشیریلیشی اوچون، اوشبو مملکت کسلخانهلریگه ۱۹۴ قلم لابراتوار جهازلرینی یاردم بیرگن.
یېتکرمهلرنینگ معلوماتی اساسیده، «امریکا آوازی» تلویزیونی ۸۰ ییل فعالیتدن سۉنگ بوتونلی توختهتیلیشی ممکن.
کیتمه-کیت حاملهدارلیک، افغانستانلیک آنهلرنینگ جسمانی و روحی سلامتلیگینی تهدید قیلهدی. شفاکارلر اونی آنهلر اولیمی عامللریدن بیلیب و روانشناسلر ایسه اونینگ جدی عاقبتلری توغریسیده آگاهلنتیرهدی.
صناعت و سودا وزیرلیگی سرپرستی، بیر هیئت باشچیلیگیده قزاقستان گه بارگن. صناعت وسودا وزیرلیگی، ۷-جوزا، چهارشنبه کونی ایکس صحیفهسیده بیر بیانیه ترقهتیب، اوشبو وزیرلیک سرپرستی نورالدین عزیزی آستانه خلقارا فورمیده اشتراک اېتیش مقصدیده، اوشبو مملکت گه بارگنیدن خبر بیرگن.
آذربایجان دولت رهبری الهام علیاوف، لاچینده تورکیه، آذربایجان و پاکستان اوچ تامانلمه ییغیلیشیده، بو مملکتلرنی حاکمیت و عدالت حامیلری اتهگن.
سمنگان قیشلاقلرنی رواجلنتیریش و قیته قوریش ریاستی مسئوللری، اوشبو ولایت خُلم تومنیده تورت ته سوو ییتکزیش ترماقنینگ قوریلیش ایشی باشلنگنیدن خبر بیرگنلر.
