افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما) باشلیغی روزا اوتونبایوا، اسلام امیرلیگی ایچکی ایشلر وزیرلیگینینگ اورینباسری محمدنبی عمری بیلن اوچرهشیب و افغانستاننینگ خوفسیزلیک وضعیتی حقیده صحبت قیلگن.
لغمانده قویاشدن ۱۰ میگاوات برق ایشلب چیقریش ایشی، ریگل و افغانستان برق یېتکیزیش شرکتی تامانیدن باشلنگن. اسلام امیرلیگی باش وزیرینینگ اقتصادی اورین باسری عبدالغنی برادر، بوگون (۱-جوزا، پنجشنبه) اوشبو مناسبت بیلن اۉتکزیلگن احتفالده، بو لایحه ایشی آلتی آی چوزیلیب و ایشی توگهشی بیلن ۱۰ مینگ عایله برق بیلن تأمینلنیشینی بیلدیرگن.
آسترالیانینگ جنوبشرقی ساحللریده یوز بیرگن یاغینگرچیلیک و سوو تاشقینلر نتیجهسیده، ایکی کیشی اولیب و مینگب کیشی ایسه اویلرینی ترک قیلیشگه مجبور بولگنلر.
یشاوچیلردن کوپ قطاری ایشسیزلیکدن شکایت قیلگنلری بیرحالده، پروان ده بیر ایرکک قالین توقووچیلیک بیر ایشخانهنی آچیش بیلن، یوزلب کیشیگه ایش زمینهسینی یرهتگن.
هرات حاکمی نوراحمد اسلامجارنینگ ایتیشیچه، اوشبو ولایتده تالاسمیگه چلینگن بالهلرگه مخصوص بیرینچی کسلخانه فایدهلنیشگه تاپشیریلگن.
معلومات اساسیده، حیرتان باجخانهسیدن ۸ پترول تانکری، نیمروز باجخانهسیدن ۱۱۵ دیزل و ۴ پترول تانکری، فراه باجخانهسیدن ۵۵ دیزل تانکری، تورغندی باجخانهسیدن بیر دیزل تانکری و بیر گاز تانکری قیتیریلگن.
بیرلشگن ملتلر تشکیلاتینینگ جمعیت صندیغی، افغانستان گه انسانسیورلیک یاردملر بودجهسی کمهیشیدن خواطر بیلدیریب و آگاهلنتیریشیچه، مذکور یاردملرنینگ کمهیشی نتیجهسیده، آلتی میلیون ۳۰۰ مینگ کیشینینگ ساغلیقنی سقلش خذمتلریگه قول تاپیش امکانیتیدن محروم بولیشی ممکن.
فلسطینده طبی منبعلرگه کوره، نوار غزه بویلب اسرائیلنینگ اویوشتیرگن هجوملری نتیجهسیده، کمیده ۹۳ کیشی قربان بولگن. الجزیره، بوگون (۱-جوزا، پنجشنبه)، گزارش بیریشیچه، مذکور کیشیلر چهارشنبه کونی ایرتنگ چاغیدن حاضرگچه اسرائیلنینگ هجوملری نتیجهسیده قربان بولگنلر.
فاریاب ولایتی محلی مسئوللری، اوشبو ولایت اندخوی تورتله تومنیده جایلشگن آقینه بندریده تیرپارک قوریش ایشی باشلنگنینی معلوم قیلهدیلر. فاریاب معلومات و مدنیت باشلیغی شمسالدین محمدی، بو تیرپارک ۱۰۸ میلیون افغانی عوضی گه قوریلیشینی اېتهدی.
بدخشان بیلیم یورتی نشرات ادارهسی بیر بیانیه آرقهلی ایتیشیچه، عالی اوقوو وزیرلیگی سرپرستی ندامحمد ندیم و محلی رسمیلرنینگ حضوری بیلن، بدخشان بیلیم یورتینینگ طبیات مجموعهسی تمل تاشی قوییلگن.
امریکا قۉشمه ایالتلرینینگ پایتختی واشنگتنده اوق آتیش عاقبتیده اسرائیل ایلچیخانهسینینگ ایکّی خادمی هلاک بولگن. رویترز، بو واقعه ۳۱-ثور، چهارشنبه محلی وقت بیلن شام پیتی واشنگتن دیسی شمالغربی حدودلریده جایلشگن «یهودی کاپیتال موزیمی» یقینیده یوز بیرگنینی معلوم قیلگن.
پرواننینگ تاغلی منطقهلری اینیقسه درهی غوربند ده، محل یشاوچیلری اوتگن ییللردن بویان کسللیکلر دوالنیشی و کوندهلیک صرف-خرهجتلری اوچون «هنگ، یامه، اسپند، خینهکاه، سامانی، زرسرک، زرشک» کبی اوسیملیکلر و باشقه تورلیخیل اوسیملیکلردن فایدهلنهدیلر؛ بیراق حاضر ایسه مذکور اوسیملیکلردن قطاری یا کمیاب بولیب قالگن یا-ده یوق بولیش عرفهسیده دیر.
