بیرلشگن ملتلر تشکیلاتی بالهلرنی قوللب-قوتلاوچی صندیغی (یونیسف)، نینگ ایتیشیچه، افغانستان ده ایچیملیک سوودن فایدهلنه آلمهگن عایلهلردن ۲۴ فایزیده سوو تامینلش مسئولیتی، ۱۵ یاشنی تولدیرمهگن بالهلر زمهسیگه توشهدی.
هرات بدن تربیهلش و سپورت ریاستی مسئوللری، اوشبو ولایتنینگ تورغندی شهرچهسیده «اتحاد جوانان تورغندی» آتیده بیر مصنوعی چمن و فوتبال میدانی فایدهلنیشگه تاپشیریلگنینی معلوم قیلهدیلر.
اسلام امیرلیگی لیدری شیخ هبتالله آخوندزاده، قندهارده اوقیش و استخبارات رسمیلرینی اصلاح قیلیش قۉشمه سمیناردهگی نطقیده، حکومت توزیلمهسیده استخباراتی نهادلرنینگ اورنینی مهم دیب، بو نهادلر افغانستان یاولرینینگ برچه آشکار و یاشیرینچ ریجهلرینی یوق قیلیشلرینی بیلدیرگن.
ییرلرنی باسیب آلیشنینگ آلدینی آلیش و باسیب آلینگن ییرلرنینگ قیتریلیش کمیسیونی مسئوللری، کابل ده اوتکزیلگن خبری بیر ییغیلیشده ایتیشلریچه، افغانستان بویلب ۴۹.۷ میلیون جریب ییرنینگ باسیب آلینگنی انیقلنیب و اولر ارا، ۳.۹ میلیون جریبی تورلی ولایتلرده باسقینچلر یانیدن آلینگن.
سرپرست حکومت کانلر و پترولیم وزیرلیگینینگ ایتیشیچه، روسیه سرمایه یاتقیزووچیلری اوشبو وزیرلیک مالی و اداری اورینباسری حسامالدین صابری بیلن اوچرهشگنیده، افغانستان ده سرمایه یاتقیزیلیش امکانیتلرنی مناسب دیب بهالهگنلر.
پاکستان مرکزی بانکینینگ گزارش بیریشیچه، ۲۰۲۴-۲۰۲۵ مالیهوی ییلنینگ توقیز آییده اوتگن ییل شو دوریگه نسبت، اوشبو مملکتنینگ افغانستان گه خذمتلر و توار صادراتی، ۶۴.۴۸ فایز آشگن.
کابلده افغانستان ایشلری بوییچه چیننینگ مخصوص وکیلی، اسلام امیرلیگی تشقی ایشلر وزیرلیگی سرپرستیدن چین گه باریشینی تکلیف قیلگن.
سودا و صناعت وزیرلیگی سرپرستی نورالدین عزیزی، چین و پاکستان نمانیدهلری بیلن اوچ تامانلمه ییغیلیشده، بو ایکی مملکت سودا وزیرلریدن رسمی بیر سفر ده کابل گه کیلیشلرینی تکلیف قیلگن.
روسیه جمهور باشلیغی ولادیمیر پوتین، اوکراین بیلن اوچ ییل اوروشدن کیین، ۱۵-می ده بو مملکت بیلن توغریدن توغری مذاکرهلر اوتکزیلیش تکلیفینی بیرگن.
تدقیقاتچیلر ۱۰ ییل دوامیده جاپان کېکسهلرینینگ ساغلیگی و اولرنینگ حیات طرزی حقیدهگی معلوماتلرنی اورگنیب چیقدی. انیقلنیشیچه، کوزهتوو باشلنگن وقتده بایسکلده کوپراق سیر قیلگن کېکسهلر کېینگی ییللرده جدی کسللیکلر گه کمراق چلینگن و اوزاق مدتلی طبیعی پرورش گه کمراق احتیاج سیزگن. مهم بو حالت نهفقط اوزاق ییللر بایسکل مینیب کېلگنلر، بلکه کېینچهلیک بایسکلده سیر قیلیشنی باشلهگنلرده هم کوزهتیلگن.
تخار امنیه قوماندانلیگی مطبوعات ادارهسی، بو واقعه ۲۰-ثور، شنبه کونی کلفگان تومنی «چنار» قیشلاغیده یوز بیرگنینی معلوم قیلهدی. مذکور اداره گه کوره، ایکینچیلیک محصولاتلرنی سوغاریش اوچون سوو نوبتی اوستیده جنجل طفیلی کېکسه بیر کیشی بیل بیلن اولدیریلگن و واقعه گه عیبلنگن اوچ کیشی پولیس تامانیدن قولگه آلینگن.
