هلمند ده سیگیردارلیک فرصتلری آشیشی و مسئوللرنینگ توجهسیزلیگی
هلمند مرکزیدن ناوه، نهرسراج، گرمسیر، سنگین، مارجه، نادعلی و باشقه تومنلریگچه فعال بولگن سیگیر باقیش و ییتیشتیریش فارملری موجود بولیب، اولرنینگ محصوللری محلدهگی یشاوچیلرنینگ اساسی احتیاجلرینی تامین قیلهدی. مذکور فارملرنینگ کوپینچهسی خصوصی سکتور تامانیدن باشقریلیب و اولردهگی سیگیر ییتیشتیریش اسلوبلری حاضرگچه سنتی شکلده قالگن. هلمند دهگی اینگ قدیمی سیگیر باشقیش و ییتیشتیریش فارملریدن بیری، بو ولایت مرکزی لشکرگاه شهرینینگ «بولان» منطقهسیده جایلشگن که، محمدظاهرشاه دوریدن بویان فعال بولیب و حاضرگچه خصوصی سکتور تامانیدن مدیریت بولهدی.
