اقتصاد وزیرلیگی: نهادلر مملکت گه قیتگن قاچقینلر اوچون یاردم‌لرینی کوپه‌یتیرسین

اقتصاد وزیرلیگی سرپرستی دین‌محمد حنیف باشچیلیگیده، یاردملرنی جلب و جذب قیلیش کمیته ییغیلیشی، بوگون (۲۴-حمل، یک‌شنبه) مملکت گه قیتگن قاچقینلر گه قولی‌لیک یره‌تیش مقصدیده حکومت و بیرلشگن ملتلر تشکیلاتی اداره‌لری اورته‌سیده کابل‌ده اوتکزیلدی.

غزنی ده اوروش‌دن قالگن پارتلاوچی ماده‌لر پارتلشی عاقبتیده ایکی باله یره‌لندی

غزنی ده محلی مسئوللر‌، اوشبو ولایت‌ده اوروش‌دن پارتلمه‌ی قالگن پارتلاوچی ماده‌‌لر پارتلشی عاقبتیده، ایکی باله‌نینگ یره‌لنگنی‌نی تصدیق قیلگنلر. مذکور واقعه ۲۳-حمل، شنبه کونی عصر چاغی غزنی ولایتی اندر تومنی‌نینگ «نوری قلعه» قیشلاغیده یوز بیرگن.

ترامپ: ایران بیلن مذاکره‌لر یخشی آلغه آلیب باریلماقده

امریکا جمهور باشلیغی دونالد ترامپ‌، مملکتی‌نینگ ایران هسته‌ای برنامه‌سی حقیده بو مملکت‌ بیلن مذاکره‌لری‌‌نینگ یخشی‌ آلغه آلیب باریلگنی‌نی بیان قیلگن. اونینگ کوپه‌‌یتیریشیچه، کیله‌سی هفته‌ اوروشلردن قطاری حقیده یخشی خبرلرگه ایگه بولینیش ممکن.

نورالدین عزیزی عبیدالرحمان نظامانی بیلن اوچره‌شدی

سرپرست حکومت صناعت و سودا وزیرلیگی‌نینگ اعلام قیلیشیچه، اوشبو وزیرلیک سرپرستی نورالدین عزیزی کابل ده پاکستان ایلچی‌سی عبیدالرحمان نظامانی بیلن اوچره‌شیب، افغانستان و پاکستان آره‌سیده تجارت و ترانزیت رواجلنیشی حقیده صحبت قیلگن.

غزنی ده بنگی‌وار ماده‌لرگه چلینگن عیاللر اوچون بیر کسل‌خانه آچیلدی

غزنی ده بنگی‌وار ماده‌لر گه چلینگن عیاللر‌نینگ دوالنیشی اوچون بیر کسل‌خانه آچیلگن. غزنی حاکمی سوزلاوچیسی صدیق‌الله سباوون‌نینگ ایتیشیچه، ۲۰ اورین‌لی مذکور کسل‌خانه اوشبو ولایت مرکزی غزنی شهری‌ده قوریلگن.