ینگیلیکده روسیهنینگ باش قارهلاوچیلیک ادارهسی بو مملکت عالی محکمهسیدن، روسیهنینگ تقیقلنگن گروهلری ریخطیدن اسلام امیرلیگی آتی چیقریلیشینی ایستهگن که، بو اقدامنی اسلام امیرلیگی ایکی تامانلمه مناسبتلر مستحکملنیشی توغریسیده ایجابی آدیم دیگن.
سرپرست حکومت سوزلاوچیسی ذبیحالله مجاهدنینگ سلاموطندار گه ایتیشلریچه، اسلام امیرلیگی اوزبیکستان بیلن اقتصادی و سیاسی مناسبتلری کینگهیشینی ایستهیدی.
غزنی امنیه قوماندانلیگی سوزلاوچیسی خالد سرحدینینگ ایتیشیچه، مذکور ولایتده یوز بیرگن ترافیکی حادثهلر نتیجهسیده، ایکی کیشی اولیب و ۴۰ کیشی ایسه یرهلنگن.
ایراننینگ جنوبی خراسان حاکمی محمدرضا هاشمینینگ ایتیشیچه، مملکتی قویاش جاری ییلده افغانستان بیلن مناسبتلری رواجلنیشی مقصد، فراه ده بیر قنسولگرلیک آچیش اوچون سعیوحرکت قیلماقده.
میانمار ده رسمیلرنینگ اعلام قیلیشلریچه، اوشبو مملکتده یوز بیرگن زلزله قربانیلری سانی ایکی مینگ ۸۸۶ کیشی گه ییتگن.
بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، غزه گه اسرائیل هجوملری قیته باشلگنیدن کیین ۳۲۲ بالهنینگ قربان بولگنی و شونینگدیک ۶۰۹ بالهنینگ یرهلنگنینی معلوم قیلگن.
فلسطین ساغلیقنی سقلش رسمیلرینینگ اعلام قیلیشلریچه، اسرائیل آرقهلی نوار غزهنینگ بیر قطار بولیملریگه اویوشتیریلگن ینگی هجوملر نتیجهسیده، کمیده ۱۶ کیشی قربان بولیب و بیر قطار کیشی ایسه یرهلنگن.
