افغانستان اولاق لیگی حذفی باسقیچیده سرپل اولاق تیرمه جماعه‌سی بیر تامانلمه و هیجانلی اویینده بغلان گه غلبه قازاندی. سرپل اولاق تیرمه جماعه‌سی بوگون (۲۳-قوس، جمعه) ۱۳-۰ حسابی بیلن بغلان اولاق تیرمه جماعه‌سیگه غلبه قازانیب و اوشبو مسابقه‌لرنینگ کېینگی باسقیچیگی یول تاپدی. بو بیلشوودن آلدین، فاریاب یاشلری و بغلان اولاق تیرمه جماعه‌لری بیلَشیب و ۴-۴ حسابی بیلن مساوی گه تن بیردیلر.
بلخ ساغلیق‌نی سقلش ریاستی مسئوللری، اوشبو ولایت‌ده سۉنگی کونلرده قند کسلی (دیابت) گه چلینگنلر سانی کوپه‌یگنینی اېته‌دیلر. بلخ ولایتی‌ده ابوعلی سینا بلخی حوزه‌وی کسلخانه‌سی‌نینگ عمومی ایچکی بولیمی مسئولی عبدالوحید یوسفی، اوشبو قویاش ییل‌نینگ دستلبکی سکیز آیی‌ده، بو کسلخانه‌ده قند کسلی گه چلینگن قریب ۸۰۰ کیشی بستری بولگنینی معلوم قیلگن.
بوگون (۲۳-قوس، جمعه) پایتخت کابل شهری حدودلریگه قره‌شلی «یکه توت» منطقه‌سیده اۉتکزیلگن اوشبو بیلیشووده، فاریاب یاشلری و بغلان اولاق تیرمه جماعه‌لری ۴-۴ حسابی بیلن مساوی گه تن بیردیلر. بو مساوی بیلن ایکّی جماعه‌نینگ اۉتگن مسابقه‌لر امتیازلری سنه‌لیب و قیسی جماعه کېینگی باسقیچ‌گه یول تاپیشی انیقلنه‌دی.
