ایچکی و خلقارا یېتکرمهلر، اسلام امیرلیگی قاچقینلر وزیرلیگی سرپرستی خلیلالرحمان حقانی، کابل شهریده اویوشتیریلگن پارتلشده هلاک بولگنینی اېتگنلر. اوشبو پارتلش بوگون (۲۱-قوس، چهارشنبه) توشدن کېین، قاچقینلر وزیرلیگی مقریده یوز بیرگن. معلوماتلر اساسیده، بو پارتلشده خلیلالرحمان حقانی و باشقه تورت کیشی هلاک بولیب و باشقه بیرقطار کیشیلر یرهلنگن.
پایتخت کابل شهریده سوو تنقیصلیگی قیینچیلیگینی حل قیلیش ایش اسلوبی، اسلام امیرلیگی رهبری تامانیدن تصدیقلنگن. سوو و برق وزیرلیگی مسئوللری، پایتخت کابل شهریده سوو تنقیصلیگی قیینچیلیگینی حل قیلیش اوچون، اوشبو وزیرلیکنینگ اوزاق و کېنگ قمراولی ایش اسلوبی اسلام امیرلیگی رهبری تامانیدن تصدیقلنگنینی اېتگنلر.
افغانستان اوچون اروپا اتفاقی مخصوص نمایندهسی توماس نیکلاسوننینگ ایتیشیچه، اوشبو نهاد اینگ یقینده افغانستان دهگی دهقانلر گه بدیل ایکین ترقهتیلیشی اوچون قریب ۴۵ میلیون یورو یاردم بیریلیشی خصوصیده سعیوحرکت قیلماقده.
سوریه ده بشار اسد حکومتینینگ سقوط قیلگنیدن کیین، اسرائیل اوشبو مملکت گه ۴۸۰ هجوم اویوشتیرگنی نی اعلام قیلگن.
افغانستان اوغلاق لیگی حذفی باسقیچی ایکّینچی کونیده، سرپل اوغلاق تیرمه جماعهسی قیزیق و هیجانلی اویینده بدخشان گه غلبه قازاندی. اېنگ قیزیق و کوتیلمهگن فاینل حسابلنگن اوشبو بیلشووده سرپل ۲-۱ حسابی بیلن بدخشان گه غلبه قازاندی. بو مسابقه اوشبو کون (۲۱-قوس، چهارشنبه) کابل شهری حدودلریگه قرهشلی «یکه توت» ده اۉتکزیلدی.
فلسطین ساغلیقنی سقلش وزیرلیگینینگ اعلام قیلیشیچه، غزهنینگ بیر قطار بولیملریگه اسرائیل آرقهلی اویوشتیریلگن هجوملر نتیجهسیده، کمیده ۲۸ کیشی قربان بولیب و ۵۴ کیشی ایسه یرهلنگن.
قندوز ولایتی دشتارچی تومنیده ۱۰ میلیوندن آرتیق افغانی خرهجت بیلن سوو ییتکزیش ایکی ترماقنینگ قوریلیش ایشی باشلنگن.
قندوز قیشلاقلرنی رواجلنتیریش و قیته قوریش ریاستی مسئوللرینینگ ایتیشلریچه، اوشبو سوو ییتکزیش ترماقلر مذکور ولایت دشتارچی تومنینینگ «سیداکبر باجوری و پیرمحمد» قیشلاقلریده قوریلهدی.
اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، ینگیلیکده افغانستان ده «دمترک» موتری ایشلب چیقریلگن.
