اسلام امیرلیگی حاکمیت گه ایریشی و پاکستان استخبارات باشلیغی اسلام امیرلیگینینگ دستلبکی کونلریده افغانستان گه سفر قیلیشیدن سۉنگ، اسلام امیرلیگی و پاکستان اۉرتهسیدهگی مناسبت یخشی بولیش اوچون امیدوارلیکلر کوپهیگن اېدی؛ بیراق اوچ ییلدن بیری پاکستان حربی و ملکی رسمیلری نیچه مراتبه بو مملکت افغانستان توپراغی تامانیدن تهدید بولیشینی ادعا قیلگنلر.
افغانستان اوغلاق لیگی حذفی باسقیچیده بلخ یاشلری اوغلاق تیرمه جماعهسی سمنگان برابریده مغلوبیت گه تن بیردی.
یما پترول اوغلاق تیرمه جماعهسی، افغانستان اوغلاق لیگی حذفی باسقیچیده قیرغزلیک داستان پهلوان و باشقه اویینچیلرینینگ سعی-حرکتی بیلن فاریاب یاشلری گه غلبه قازاندی. اوشبو هیجانلی و قیزیق بیلشوو بوگون (۲۰-قوس، سهشنبه) کابل شهری «یکه توت» منطقهسیده اۉتکزیلدی.
فراه قیشلاقلرنی رواجلنتیریش و قیته قوریش باشلیغی محمدنسیم سرهنگ، اوشبو ولایتنینگ «خُرمالق» قیشلاغیده سوو یېتکزیش بیر شبکه قوریلگنینی معلوم قیلگن.
افغانستان اوغلاق لیگی حذفی باسقیچی بوگون (۲۰-قوس، سهشنبه) رسمی طرزده باشلندی و بیرینچی اویینده بغلان اوغلاق تیرمه جماعهسی، قندوز گه غلبه قازاندی. پایتخت کابل شهری حدودلریگه قرهشلی «یکه توت» ده اۉتکزیلگن بو بیلشووده بغلان اوغلاق تیرمه جماعهسی ۲-۱ حسابی بیلن قندوز گه غلبه قازاندی.
افغانستان فوتبال فدراسیونی، ۱۹-قوس، دوشنبه کونی فیسبوک صحیفهسیده بیر خبر ترقهتیب مملکت فوتبال ملی تیرمه جماعهسی ۲۰۲۷-ییل آسیا ملتلر کپی رقابتلری بیشینچی گروهیده پاکستان، میانمار و سوریه بیلن بیر گروهده قرار تاپگنینی معلوم قیلگن. بو مسابقهلر قویاش ۱۴۰۴ییل ۵-حمل ده باشلنیشی اېتیلگن.
فواید عامه وزیرلیگی سۉزلاوچیسی محمداشرف حقشناس، ۱۹-قوس، دوشنبه کونی ایکس صحیفهسیده بیر بیانیه ترقهتیب، سالنگ قتناو یولیده بوران بیلن کوچلی قار یاغیب و فرعی یول موزلهگنی همده یولاوچیلرنینگ جان و مالینی سقلش و ترافیکی حادثهلر گه توسیق بولیش اوچون بو یول ۲۰۲، ۳۰۳، ۵۸۰ رسوملی یولاوچی تاشووچی بویوک موترلر، حربی واسطهلر و باشقه بویوک موترلر یوزی گه، اوشبو ییل تورت جدی گه قدر یاپیلگنینی معلوم قیلگن.
