امام ابوحنیفه ملی و خلقارا اوچینچی کورگزمهسی ایچکی سوداگرلر و سرمایه یاتقیزووچیلر و منطقه مملکتلر نینگ دیپلماتلری حضوری بیلن بوگون (۱۵-میزان، یکشنبه) کابلده آچیلگن و آلتی کونگچه دوام تاپیشی کوتیلهدی.
سلاموطندار نینگ جمهوریت توزومی سۉنگی اوچ ییلی ده تورموش گه چیققن ۴۰ عیال و افغانستانده سیاسی توزوم اۉزگریشیدن کېین تورموش گه چیققن باشقه ۴۰ عیال بیلن اۉتکزگن صحبتی اساسیده، سۉنگی اوچ ییلده مملکت بویلب جبری تورموش گه چیقیش کوپهیگن.
سرپرست حکومت نینگ ایتیشیچه، اسلام امیرلیگی باش وزیری نینگ اقتصادی اورین باسری عبدالغنی برادر ییتکچیلیگی بیلن ملی تدارکات کمیسیونی نینگ سونگی ییغیلیشیده، ۳۰ ته لایحه تکلیفی کوریب چیقیلگن که اولر ارا، ۱۰ میلیارد افغانیلیک ۱۲ لایحه تصدیقلنگن.
برازیل فوتسال ملی تیرمه جماعهسی ۱۱میزان، چهارشنبه کونی رقیبی اوکراین گه ۳-۲ حسابی بیلن غلبه قازانیب اوشبو مسابقهلر نینگ فاینلیستی بولگن اېدی و ۱۲-میزان، پنجشنبه کونی ارجنتاین و فرانسه فوتسال جماعهلری بیللهشیب و نهایت ارجنتاین هم ۳-۲ حسابی بیلن فرانسه نی مغلوب قیلیب و فاینل ده برازیل رقیبی بولدی. بوندن آلدین و اۉتگن توقیز دوره ده، بو ایکّی مملکت نینگ فوتسال جماعهلری هېچ قچان فاینل ده یوزمه یوز بولمهگنلر.
افغانستانلیک بوکسچی قیس خادمی، کلمبیالیک رقیبینی حکملر (داورلر) نینگ آوازی بیلن مغلوب قیلدی. مملکت نینگ تانیقلی بوکسچیسی قیس خادمی، ۱۳-میزان، جمعه کونی مالتا مملکتی میزبانلیگی بیلن یولگه قوییلگن بو مسابقه ده، رقیبی بیلن آلتی روند قتیق مبارزه دن سۉنگ، حکملر نینگ آوازی بیلن مسابقه غالبی تانیلدی.
اسرائیل نینگ غزه دهگی بیر مسجد گه اویوشتیرگن هوایی هجومی عاقبتیده، کمیده ۲۱ کیشی قربان بولیب و اونلب کیشی یرهلنگن. الجزیره خبری ترماغی نینگ گزارش بیریشیچه، اسرائیل اردوسی بوگون (یکشنبه، ۱۵-میزان)، نوار غزه مرکزیده جایلشگن بیر مسجدنی نشان گه آلگن.
سلاموطندار نینگ ۲۷ قیز و ییگیت بیلن اۉتکزگن صحبتی اساسیده، افغانستاندهگی یاشلر هوشمند تلفونلردن باشقهلر بیلن علاقه قوریش گه قۉشیمچه کوپراق تعلیمی برنامهلر، آنلاین سودا، آگاهیلیکلرینی آشیریش و گیم اوچون قوللنهدیلر.
