۲۹-سپتمبر خلقارا قلب کونی بیلن بیرگه، بالهلری توغمه یورهک کسللیکلری گه چلینگن بالهلر نینگ عایلهلری و کسلدارلردن قطاری نینگ ایتیشلریچه، ولایتلریده یورهک کسللیکلرینی دوالش مرکزلریدن فایدهلنه آلمهیدیلر.
حزبالله لبنان رهبری سیدحسن نصرالله نینگ اولدیریلیشی منطقه و دنیا ده کېنگ کولملی مناسبتلر بیلن روپهره بولیب و اۉرته شرق ده اوروش کېنگهیشی گه دایر خواطرلرنی آشیرگن.
بلخ معارف ریاستی مسئوللری نینگ ایتیشلریچه، تیکا دفتری مالی حمایتی بیلن قوریلگن سکیز صنفلی بیر مکتب نینگ قوریلیش ایشی یکونلنیب و فایدهلنیش گه تاپشیریلگن.
سلاموطندار نینگ تورلی ساحهلرده ۱۸ سپورتچی بیلن قیلگن صحبتی اساسیده، افغانستان ده سۉنگی ییللرده سپورت رواجلنگن. بو گزارش ده کابل شهریده ملی تیرمه جماعهلرده سکیز سپورتچی و ۱۰ آزاد مبارزهلر سپورتچی بیلن صحبت قیلینگن. بو سپورتچیلر نینگ ۱۰ نفری، افغانستانده سۉنگی اوچ ییلده سپورت سېزیلرلی درجه ده رواجلنگنینی اېتگنلر.
غزنی مرکزی «روضهی سلطانمحمود غزنوی» قیشلاغیده سوو ییتکزیش بیر ترماق فایدهلنیش گه تاپشیریلگن. «داکار» موسسهسی نینگ مرکزی حوزه مسئولی صلاحالدین صافی گه کوره، تورت میلیوندن آرتیق افغانی خرهجت کوتارگن مذکور سوو ییتکزیش ترماغی ایشی اوشبو قیشلاقده، «داکار» موسسهسی نینگ مالی همکارلیگی بیلن یکونلنیب و بوگون (یکشنبه، ۸-میزان)، رسمی شکلده آچیلیب و فایدهلنیش گه تاپشیریلگن.
افغانستانده بیرلشگن ملتلر تشکیلاتی نینگ نمایندهلیگی (یوناما)، اوشبو تشکیلات نینگ ینگی سیاسی اورین باسری جورجت گانیون ۷-میزان، شنبه کونی ایشینی رسمی طرزده باشلش مقصدیده کابل گه یېتیب کېلگنیدن خبر بیرگن.
بلخ ولایتی مطبوعات ادارهسی، قرغیزستان نینگ انسان پرورلیک یاردملری اوشبو ولایت مرکزی مزارشریف شهری گه یېتیب کېلگنینی معلوم قیلگن. بلخ ولایتی مطبوعات ادارهسی نینگ بیانیهسیده، اون، یاغ و شکر دن عبارت بولگن بو یاردملر ۷-میزان، شنبه کونی بلخ ولایتی مرکزی مزارشریف شهریده قیزیل آی جمعیتی ادارهسی گه تاپشیریلگنی اېتیلگن.
حزبالله لبنان رهبری سیدحسن نصرالله، اسرائیل اردوسی نینگ هوا هجوملری عاقبتیده هلاک بولگچ، بیرقطار اسلامی مملکتلر جمله دن لبنان، ایران، عراق و یمن اوچ کوندن بیش کونگچه عمومی ماتم اعلام قیلگنلر. حزبالله نینگ سېزیلرلی درجه ده نفوسی بولگن لبنان دولتی، سیدحسن نصرالله اولدیریلیشی طفیلی بوگون (۸-میزان، یکشنبه) دن باشلب اوچ کون عمومی ماتم اعلام قیلگن.
