ایران جمهور باشلیغی مسعود پزشکیان، خارجی بیرینچی سفریده عراق گه سفر قیلیشی کوتیله‌دی. ایران نینگ عراق ده‌گی ایلچیسی محمدکاظم آل صادق بوگون (۷-سنبله، چهارشنبه) اوشبو مملکت دولت لیدری مسعود پزشکیان، عراق باش وزیری محمد شیاع السودانی نینگ رسمی تکلیفی اساسیده، یقینده بو مملکت گه سفر قیلیشینی اېتگن. معلومات‌لر اساسیده، پزشکیان اوشبو آی نینگ اخیرلریگه قدر عراق گه سفر قیله‌دی.
جوزجان مرکزی شبرغان شهریده تاریخی اوتگن و صفتی قویی ۲مینگ‌دن آرتیق دارو و آزیق-آوقت محصولاتی آلاو بیریلگن. جوزجان آزیق-آوقت و دارو آمریتی مسئوللری نینگ ایتیشلریچه، بیر قطار اداره‌لر یاردمی بیلن بو ولایت‌ده تاریخی اوتگن و صفتی قویی ۲۴۴۸ قلم دارو، ایچیم‌لیک و آزیق-آوقت محصولاتی نی آلاو بیرگنلر.
سرپرست حکومت ملی مدافعه وزیرلیگی رسمی‌لری بوگون ( ۷-سنبله، چهارشنبه) اوشبو اداره نینگ بیر ییل‌لیک یوتوق‌لرینی یېتکرمه‌لر بیلن شریک قیلدی. اولر نینگ معلوماتی اساسیده، ملی مدافعه وزیرلیگی اۉتگن بیر ییلده قۉشنی مملکت‌لر بیلن ۱۳ هماهنگ‌لیک مرکز قورگن و حاضرگی کونده اوشبو مرکزلردن بیشته‌سی فعال دیر.
سرپرست حکومت ملی مدافعه وزیرلیگی رسمی‌لری بوگون ( ۷-سنبله، چهارشنبه) اوشبو اداره نینگ بیر ییل‌لیک یوتوق‌لرینی پایله‌شیش برنامه ده، مملکت مقیاسیده امنیت بوتونلی تأمینلنیب، محاربوی فعالیت‌لر کمه‌یشی بیلن، تینچ اهالی نینگ تلفاتی صفر گه یقینله‌گنینی اېته‌دیلر.
غزنی ده سپورت مسئوللری نینگ ایتیشلریچه، اوشبو ولایت ده قریب ۱۵۰ سپورتچی نینگ اشتراکی بیلن نیزه‌بازلیک بیلله‌شوولری یولگه قوییلگن.
تخار ولایتی ساغلیق‌نی سقلش ریاستی نینگ ساغلیق قاعده‌لرنی تېکشیریش مسئولی سلطان محمود احمدی نینگ سلام‌وطندار گه ایتیشیچه، سۉنگی ۱۰ کون ایچیده اوشبو ولایت نینگ رستاق و خواجه‌غار تومن‌لریده ۱۰۰ معاینه‌خانه، ۷۵ داروخانه همده مذکور ولایت مرکزی تالقان شهریده زغیر ایشلب چیقریش و سوونی تصفیه قیلووچی فابریکه‌لرنی یقیندن باریب کوزه‌تگنلر.
خلق‌ارا یېتکرمه‌لر نینگ معلوماتی اساسیده، جرمنی دولتی افغانستان و سوریه‌لیک قاچقین‌لرنی اوشبو مملکت دن چیقریش گه قرار قیلگن. اوشبو مملکت باش وزیری اولاف شولتس ۶-سنبله، سه‌شنبه کونی جرمنی ده‌گی بیر یېتکرمه بیلن اۉتکزگن صحبتیده، گناه‌کارلر بو مملکت ده قالیب و حیات کیچیریش حقی یوق‌لیگینی اېتگن.
پایتخت یشاوچیلریدن قطاری بازارلرده ایسکیرگن پوللر نینگ کوپه‌یگنیدن شکایت قیلیب و ایتیشلریچه، بو وضعیت اولر نینگ کونده‌لیک سوداسینی قیین‌چیلیک بیلن روپه‌ره قیلگن.
اسلام امیرلیگی تشقی ایشلر وزیرلیگی سرپرستی امیرخان متقی، کامرون جمهوریتی گه سفر قیلگن. اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۶-سنبله، سه‌شنبه کونی ایکس صحیفه‌سیده بیر بیانیه ترقه‌تیب اوشبو وزیرلیک سرپرستی امیرخان متقی، اسلامی همکارلیک تشکیلاتی تشقی ایشلر وزیرلری نینگ ۵۰-ییغیلیشیده اشتراک اېتیش مقصدیده کامرون گه رسمی سفر قیلگنینی معلوم قیلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
