اوتگن کون (یک‌شنبه، ۴-سنبله)، جوزجان ولایتی مرکزی شبرغان شهری و غزنی ولایتی جغتوی تومنی‌ده ایکی مکتب نینگ قوریلیش ایشی باشلنگن. جوزجان معارف باشلیغی سیدحفیظ‌الله معتصم‌بالله نینگ ایتیشیچه، اوشبو قیزلر مکتبی مذکور ولایت مرکزی شبرغان شهری نینگ «اسلام‌جوی» قیشلاغیده قوریله‌دی.
روسیه اردوسی، اوکراین بویلب اینیقسه اوشبو مملکت پایتختی کی‌یف نی راکته و اوچووچی‌سیز اوچاق‌لر بیلن نشانگه آلگن. ده مسکو کونده‌لیگی نینگ معلوماتی اساسیده، روسیه اردوسی بوگون (۵-سنبله، دوشنبه) راکته و اوچووچی‌سیز اوچاق‌لر آرقه‌لی اوکراین بویلب اینیقسه مذکور مملکت پایتختیده‌گی آست قورمه‌لرنی نشانگه آلگن.
افغانستان ده بیرلشگن ملتلر تشکیلاتی خلق‌ارا آزیق-آوقت دستوری نینگ اعلام قیلیشیچه، افغانستان ده بیر میلیون‌دن آرتیق آنه و باله، جدی شکلده بودجه کملیگی سبب انسان‌پرورلیک یاردم‌لر نینگ قولگه کیلیتیریش‌دن محروم بولگن.
سرپرست حکومت ترانسپورت و هوا یوللری وزیرلیگی مسئوللری، بوگون (۵-سنبله، دوشنبه) اوشبو اداره نینگ بیر ییل‌لیک یوتوق‌لرینی شریک قیلیش برنامه ده، سۉنگی بیر ییلده افغانستان هوا قونالغه‌لریدن ۱۲ مینگ ۵۰۳ اوچیش عملگه آشیریلگن و بو اوچیش‌لرده بیر میلیون ۸۹۷ مینگ دن آرتیق کیشی انتقال بیریلگنینی اېته‌دیلر.
افغانستان ده بیرلشگن ملتلر تشکیلاتی باله‌لردن حمایت قیلووچی صندیغی نینگ اعلام قیلیشیچه، اروپا بیرلشمه‌سی افغانستان ده توییب آوقتلنمسلیککه چلینگنلر نینگ دوالنیشی و تعلیم زمینه‌سی یره‌تیلیشی مقصد، ۱۳ میلیون یورو یاردم بیره‌دی.
تخار ولایتی محلی رسمی‌لری، اوشبو ولایت مرکزی تالقان شهریده سیس افلاسلنیشی گه سبب بوله‌دیگن موتر و موترسایکل‌لر قتنه‌شیگه ایزین بیریلمسلیگینی اېته‌دیلر. تخار ولایتی امنیه قوماندان‌لیگی نینگ امنیت آمری ذکرالله ذاکر، باغلیق مسئوللر گه شهر ایچیده سیس افلاسلنیشی گه سبب بوله‌دیگن موتر و موترسایکل کبی واسطه‌لر توخته‌تیلیشی و اولر گه قتنش ایزینی بیریلمسلیک بویروغینی بیرگن.
فاریاب ولایتی محلی مسئوللری، اوشبو ولایتده علیحده واقعه‌لرده ایکّی کیشی اولدیریلگنینی معلوم قیله‌دیلر. فاریاب معلومات و مدنیت باشلیغی شمس‌الله محمدی نینگ ایتیشیچه، ۴-سنبله، یک‌شنبه کونی، اوشبو ولایت مرکزی میمنه شهری بیرینچی ناحیه حدودلریده یوز بیرگن بیرینچی واقعه‌ده، ۴۵ یاشر بیر کیشی «کلاشینکوف» قورالی بیلن آتیب اولدیریلگن.
اسلام امیرلیگی باش وزیری نینگ سیاسی اورین باسری محمد عبدالکبیر، افغانستان نینگ تشقی سیاستیده قطر نینگ رولی مهم دیر و اسلام امیرلیگی بو مملکت بیلن سیاسی، اقتصادیات، اوقیش، صناعت و سرمایه یاتقیزیش بولیم‌لریده ایکّی تامانلمه همکارلیک قیلیش گه قیزیقیشینی معلوم قیلگن.
افغانستان فوتبال فدراسیونی اعضالریدن بولمیش عبدالحق فیضی، فاریاب ولایتی استقلال فوتبال تیرمه جماعه‌سی اورتاق‌لیک بیر اویینده اۉزبېکستان سرخان دریا ولایتی قزریق تیرمه جماعه‌سی برابریده ۲:۰ حسابی بیلن مغلوب بولگنینی اېتگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
