تخار ولایتی خواجه‌غار تومنی‌ده جایلشگن امیر علی‌شیر نوایی مکتبی‌ده‌گی اوقیتووچیلر نینگ ایتیشلریچه، اوشبو مکتب اوتگن اوروشلر نتیجه‌سیده ویران بولگن. مذکور اوقیتووچیلر گه کوره، اوشبو مکتب نینگ دیوارلری و صنفلری ویران بولگنی سبب درس جریانیده صنفلر تامی ییقیلیب، اوزلری و اوقووچیلر گه زیان ییتیشیشی‌دن قورقه‌دیلر.
کابل نینگ انتانی کسل‌خانه‌سیده‌گی شفاکارلر گه کوره، سونگی کونلر هوا ایسیق‌لیگی طفیلی تورلی‌خیل کسل‌لیکلر گه چلینگنلر سانی کوپه‌یگن.
بیرلشگن ملتلر تشکیلاتی خوفسیزلیک کینگشی ۱۰-اسد، چهارشنبه کونی حماس نینگ سیاسی رهبری اسماعیل هنیه اولدیریلیشی گه دایر، ایران نینگ اېسته‌گی بیلن شاشیلینچ ییغین اۉتکزدی. اوشبو کینگش اعضالری، اۉرته شرق ده کوچلی اوروش یوز بیریش احتمالیدن آگاه‌لنتیرگنلر.
سرپرست حکومت باش وزیری نینگ سیاسی اورین باسری محمد عبدالکبیر، ایران گه قیلگن رسمی سفری‌دن کیین بوگون بیر هیئت ییتکچیلیگیده قطر پایتختی دوحه کیتگن.
اوشبو وزیرلیک بوگون (۱۱-اسد، پنج‌شنبه) حکومت نینگ یېتکرمه‌لر مرکزی ده «دولت نینگ ملت گه حساب بیریش» دستوری ده، اولکه بویلب موسسه‌لر تامانیدن تورلی ساحه‌لرده ایکّی مینگ ۱۹۴ لایحه عملگه آشیریلیب و ۲۰۰ مینگ دن آرتیق کیشی ایش بیلن تأمینلنگنینی بیلدیرگن.
غزنی محلی مسئوللری نینگ ایتیشلریچه، اوشبو ولایت‌ده یشاوچیلر آرقه‌لی دینی بیر مدرسه نینگ قوریلیش ایشی باشلنگن. مسئوللر گه کوره، اوشبو مدرسه غزنی ولایتی واغظ تومنی نینگ «نیک‌زو» قیشلاغیده بیر میلیون افغانی خره‌جت بیلن قوریلیشی ممکن.
اسرائیل اردوسی نینگ غزه شهری شمالی حدودلریده اۉیوشتیرگن هوا هجوم‌لری عاقبتیده الجزیره نینگ ایکّی خبرچیسی هلاک بولگن. الجزیره ۱۰-اسد، چهارشنبه کونی ترقه‌تگن گزارشیده، بو خبرچیلری نینگ موتری حماس سیاسی رهبری اسماعیل هنیه نینگ اوی یقینیده، اسرائیل هوا کوچلری تامانیدن نشانگه آلینگنینی معلوم قیلگن.
ایران توپراغیده حماس سیاسی دفتری باشلیغی اسماعیل هنیه نینگ اولدیریلگنی‌دن کیین، اوشبو مملکت مذهبی رهبری سیدعلی خامنه‌ای، اسرائیل گه مستقیم هجوم قیلیش بویروغینی صادر قیلگن.
بدخشان قیشلاقلرنی رواجلنتیریش و قیته قوریش ریاستی مسئوللری نینگ ایتیشلریچه، اوشبو ولایت اشکاشم تومنی نینگ «آهنگردی» قیشلاغی اطرافیده، تورت میلیون ۷۰۰ مینگ افغانی ارزشی‌گه سوو ییتکزیش ترماغی فایده‌لنیش‌گه تاپشیریلگن.
فاریاب معارف ریاستی مسئوللری، اوشبو ولایت نینگ بیش تومنی‌ده ۸ ته باشلنغیچ مکتب نینگ قوریلیش ایشی باشلنگنی‌دن خبر بیرگنلر. فاریاب معارف باشلیغی محمدطاهر جواد نینگ ایتیشیچه، اوشبو مکتب‌لر مذکور ولایت مرکزی میمنه شهری و پشتونکوت، المار، قیصار و چهل‌گزی تومن‌لریده قوریله‌دی.
کاپیسا ولایتی اله‌سای تومنی‌ده یوز بیرگن ترافیکی حادثه نتیجه‌سیده، اوچ عیال شامل بیش کیشی اولیب و اوچ کیشی ایسه یره‌لنگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
