فاریاب ولایتی شیرین‌تگاب تومنی یشاوچیلریدن قطاری، اوشبو تومن نینگ ۲۰ اورینلی کسل‌خانه‌سیده کسللر اوچون نیاز بولگن دارولر یوقلیگی و طبی جهازلر کم‌لیگیدن شکایت قیلیب و ایتیشلریچه، انه شوو سبب، کسللر قیین‌چیلیگی درست بیر شکلده حل بولمه‌یدی.
کانلر و پترولیم وزیرلیگی مسئوللری نینگ ایتیشلریچه، افغانستان توپراغی‌ده تاپی پروژه‌سی نینگ قالگن حقوقی قیین‌چیلیگی حلی بیلن، اوشبو پروژه نینگ عملی ایشی قیته باشلنیشی ممکن.
صناعت و سودا وزیرلیگی بوگون (۲۱-سرطان، پنج‌شنبه) کابل شهری ده «صادرات ملی کونیدن» نشانله‌دی. اوشبو احتفالده صناعت و سودا وزیرلیگی سرپرستی نورالدین عزیزی، افغانستان صادراتی اۉتگن ییللر گه نسبتن ۱۵۰ فایز آشگن و افغانستان نینگ سوداگرلیک توارلری حاضر ۷۰ دن کوپراق مملکت گه صادر بولماقده‌لیگینی بیلدیرگن.
سلام‌وطندار اوشبو گزارش ده، مملکت نینگ ۱۰ ولایتیده ۴۶ عیال بیلن صحبت قیلگن اولر نینگ ۲۹ نفری حامله‌دارلیک پیتیده کوپ آوقت‌لنیش‌لری طفیلی سیمری‌گنلرینی معلوم قیلگنلر. اوشبو صحبت قیلگنلردن آلتی نفری سپورت قیله آلمسلیک، بیش نفری طبیعی سیمریشی و باشقه آلتی نفری حامله‌دارلیک پیتیده عادت‌لری طفیلی فزیکی نقطه‌ی-نظریدن اۉزگریب و سیمری‌گنلرینی اېتگنلر.
پروان ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت دن هر کونی اونلب تُن زردآلو، صادر بوله‌دی.
پروان ایکینچیلیک، سووغاریش و چاروه‌چیلیک ریاستی نینگ ایکینچیلیک ایشلری بوییچه آمری نیازمحمد تائب نینگ ایتیشیچه، بو ییل اوتگن ییللر گه قره‌گنده اوشبو ولایتده زردآلو حاصلاتی کوپه‌یب و بیر قطار ولایتلر بازاری گه علاوه، هندوستان و پاکستان گه هم صادر بوله‌دی.
مملکت فواید عامه وزیرلیگی مسئوللری، سالنگ‌لر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشیدن خبر بیره‌دیلر. فواید عامه وزیرلیگی سۉزلاوچیسی محمداشرف حق‌شناس نینگ سلام‌وطندار گه ایتیشیچه، سالنگ‌لر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشی ممکن.
اسرائیل اردوسی، غزه جنوبی ده ییرلشگن خان یونس شهری بوتونلی بوشه‌تیلیش بویروغینی بیرگن. اسرائیل اردوسی ۲۰-سرطان، چهارشنبه کونی خان یونس شهری فضاسیده بیانیه ترقه‌تیب، اوشبو شهر بوتونلی بوشه‌تیلیشنی اېسته‌گن. مذکور مملکت اردوسی نینگ بیانیه‌سیده، بو شهر خوفلی ارووش منطقه اوله‌راق اته‌لگن. الجزیره نینگ گزارشی اساسیده، اسرائیل اردوسی غزه جنوبی حدودلریده ینگی هجوم اۉیوشتیریش گه تیارگرلیک کورماقده اېکن، بونده‌ی بیانیه ترقه‌تیلگن.
هرات ولایتی ایکینچیلیک، سوغاریش و چاروه‌چیلیک ریاستی مسئوللری، اوشبو ولایتده هر کونی بیر میلیون دن آرتیق تاووق تخمی ایشلب چیقریلیشینی معلوم قیله‌دیلر. هرات ولایتی ایکینچیلیک، سوغاریش و چاروه‌چیلیک باشلیغی پیرمحمد حلیمی نینگ سلام‌وطندار گه ایتیشیچه، بو ولایتده ۶۰ دن آرتیق تاووق فارمی قوریلگن اوشبو فارم‌لردن هر کونی بیر میلیون دن آرتیق تخم ایشلب چیقریله‌دی.
انگلستان فوتبال ملی تیرمه جماعه‌سی، یورو ۲۰۲۴ یریم فاینل باسقیچیده هالند جماعه‌سی گه غلبه قازانیب و اوشبو مسابقه‌لر نینگ فاینل باسقیچی گه یول تاپدی. بو مسابقه ۲۰-سرطان، چهارشنبه دن پنج‌شنبه گه اوتر «سیگنال ایدونا پارک» سپورت میدانیده بولیب اۉتدی.
بلخ ده شفاکارلردن قطاری نینگ ایتیشلریچه، اوشبو ولایت درمانی مرکزلری گه روحی کسل‌لیکلرگه چلینگن عیاللر نینگ مراجعت سانی سیزیلرلی درجه‌ده کوپه‌یگن. بلخ مرکزی کسل‌خانه‌سیده‌گی روان‌شناسلردن حفیظ‌الله محبی نینگ ایتیشیچه، عیاللر آره‌سیده روحی کسل‌لیکلر نینگ کوپلیگی، خواطرلنتیرووچی دیر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
