قولوپنای (ییر توتی) محصوللری نینگ ییغیم-تیریم موسومی ییتیب کیلیشی بیلن بیرگه، بلخ ولایتی‌ده‌گی ایکینچیلر اوشبو محصول نینگ سیزیلرلی درجه‌ده کوپه‌یگنیدن خورسند‌لیک قیلگنلر.
پاکستان یېتکرمه‌لری نینگ معلوماتی اساسیده، اوشبو مملکت باش وزیری نینگ اۉرین باسری و تشقی ایشلر وزیری اسحاق‌دار، کېله‌سی کونلرده افغانستان گه سفر قیلیب و اسلام امیرلیگی رسمی‌لری بیلن اوچره‌شووی کوتیله‌دی. پاکستان بو عملداری، ۱۹-سرطان، سه‌شنبه کونی مذکور مملکت سنا کینگشی تشقی ایشلر کمیته‌سی ییغیلیشیده کابل گه سفر قیلیشی حقیده خبر بیرگن.
هرات بلدیه سوزلاوچیسی عبدالهادی نوری نینگ سلام‌وطندار گه ایتیشیچه، اوتگن کون (سه‌شنبه، ۱۹-سرطان)، اوشبو ولایت نینگ اونینچی ناحیه اطرافیده جایلشگن «سه پُلک‌ها» ساحه‌سیده، بیر کوپریک فایده‌لنیش گه تاپشیریلگن.
تورکیه نینگ غربی حدودلری «اژه دینگیزی» ساحل‌لریده قاچقینلر نینگ قییقی، تاش بیلن توقنشووی طفیلی ییتّی کیشی هلاک بولگن. معلومات‌لر گه کوره، بو واقعه ۱۹-سرطان، سه‌شنبه کونی یوز بیرگن. معلومات‌لر اساسیده، مذکور قاچقینلر ناقانونی شکلده اروپا مملکت‌لری گه باره‌دیگن پیتده بو واقعه یوز بیرگن.
اسلام امیرلیگی قاچقینلر وزیرلیگی، سۉنگی بیر کون ایچیده پاکستان و ایران دن داوطلب و جبری شکلده بیر مینگ ۸۰۸ قاچقین چیقریلگنینی معلوم قیلگن. قاچقینلر وزیرلیگی بوگون (۲۰-سرطان، چهارشنبه) ایکس صحیفه‌سیده بیر بیانیه ترقه‌تیب سۉنگی بیر کون ایچیده پاکستان و ایران دن بیر مینگ ۸۰۸ قاچقین داوطلب و جبری شکلده چیقریلگنیدن خبر بیرگن.
افغانستان مرکزی بانکی، ۸۸۹ میلیون ۹۲۰ مینگ افغانی ایسکیرگن پول آلاو بیریلگنیدن خبر بیرگن. اوشبو بانک ۱۹-سرطان، سه‌شنبه کونی ایکس صحیفه‌سیده بیر بیانیه ترقه‌تیب اوشبو مقدار پول تعیینلنگن هیئت حضوریده آلاو بیریلگنینی معلوم قیلگن. مملکت نینگ بیرقطار ولایت‌لری اینیقسه کابل شهری ده ایسکیرگن پوللر کوپ‌لیگیدن شکایت بولگن بیرحالده، افغانستان مرکزی بانکی تامانیدن بو مقدار پول آلاو بیریلگن.
یورو ۲۰۲۴یریم فاینلی بیرینچی اویینیده، اسپانیا فوتبال ملی تیرمه جماعه‌سی حساس بیر مسابقه ده فرانسه گه غالب بولیب و اوشبو مسابقه‌لر نینگ نهایی فاینلی گه یول تاپدی. بو مسابقه ۱۹سرطان، سه‌شنبه دن چهارشنبه گه اوتر کیچه، افغانستان وقتی بیلن ساعت ۱۱:۳۰ ده «آلیانز آرنا» سپورت میدانیده بولیب اۉتدی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
