یورو مسابقه‌لری حذفی باسقیچی گه یول تاپگن تیرمه جماعه‌لر ارا بو کیچه (۹-سرطان، شنبه) سوئیس فوتبال ملی تیرمه جماعه‌سی افغانستان وقتی بیلن آخشم ساعت ۸:۳۰ اطرافی ده ایتالیا ملی تیرمه جماعه‌سی و جرمنی یریم کیچه ساعت ۱۱:۳۰ اطرافی ده دنمارک بیلن بیللشه‌دیلر.
مملکت طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، سۉنگی اوچ کونده بامیان، بادغیس، لغمان، نورستان و بدخشان ولایت‌لریده‌گی سوو تاشقینلری عاقبتیده بیش کیشی هلاک بولیب و باشقه بیر کیشی لادرک بولگن.
دوحه نینگ اوچینچی ییغینی یولگه قوییلیشی عرفه‌سیده، سرپرست حکومت سوزلاوچیسی ذبیح‌الله مجاهد، بوگون (شنبه، ۹-سرطان)، حکومت نینگ ییتکرمه‌لر مرکزی‌ده یولگه قوییلگن خبری بیر ییغین‌ده ایتیشیچه، اوشبو ییغین گه اسلام امیرلیگی هیئتی نینگ قتنه‌شیشی‌دن مقصد، افغانستان بیلن بیرلشگن ملتلر تشکیلاتی و اونگه اعضا مملکت‌لر نینگ ایجابی تعاملی گه باغلیق مسئله‌لرینی حل قیلیش و افغانستان ده هرتامانلمه ثبات و وضعیت نینگ یخشی‌لنیشی اوچون واحد بیر یول تاپیش دیر.
تیریکچیلیک اساسی نیازلریدن بولگن مالی مستقل‌لیک، افغانستانده کوپینچه یاشلر نینگ خواطرلریدن سنله‌دی. مالی مستقل‌لیک که اېریشیش بیلن آزادلیک کبی تیریکچیلیک اسلوب‌لریدن قوللنیش ممکن. بو گزارش ده سلام‌وطندار ۱۷ ییگیت و اوچ قیز شامل ۲۰ یاش بیلن صحبت اۉتکزگن، اولر نینگ ۱۷ نفری مالی مستقل‌لیگی بارلیگینی اېتگنلر.
ایران جمهورلیک ریاستی سیلاوی نینگ نتیجه‌سی اعلام بولیشی بیلن بیرگه، اوشبو سیلاو ایکّینچی باسقیچ گه کېتگن. ایران یېتکرمه‌لری بوگون (۹سرطان-شنبه) مذکور مملکت نینگ ایچکی ایشلر وزیرلیگی سیلاو ستاد سۉزلاوچیسی دن نقل قیلیب، بو مملکت نینگ جمهورلیک ریاستی سیلاوی نهایی نتیجه‌سینی اعلام بولگنینی اېتگنلر.
بدخشان طبیعی حادثه‌لر گه قرشی کوره‌ش ریاستی مسئوللری نینگ ایتیشلریچه، اوتگن کون (جمعه، ۸-سرطان)، اوشبو ولایت یمگان تومنی نینگ «ونی» قیشلاغیده ییر سیلجیشی عاقبتیده، ایکی کیشی اولیب و باشقه آلتی کیشی ایسه یره‌لنگن.
اسلام امیرلیگی قاچقین‌لر وزیرلیگی، سۉنگی ایکّی کون ایچیده پاکستان و ایران دن داوطلب و جبری شکلده ایکّی مینگ دن آرتیق قاچقین چیقریلگنینی معلوم قیلگن. قاچقین‌لر وزیرلیگی بوگون (۹-سرطان، شنبه) ایکس صحیفه‌سیده، سۉنگی ایکّی کون ایچیده پاکستان و ایران دن ایکّی مینگ ۲۹۶ قاچقین داوطلب و جبری شکلده چیقریلگنیدن خبر بیرگن.
بیرلشگن ملتلر تشکیلاتی باش کاتبی آنتونیو گوترش اۉرته آسیا مملکت‌لری گه سفری دایره‌سیده بوگون (۹-سرطان، شنبه) اۉزبېکستان گه سفر قیلیشی کوتیله‌دی. بیرلشگن ملتلر تشکیلاتی سۉزلاوچیسی استیفان دوجاریک خبری بیر ییغیلیشده، گوترش جنابلری اۉزبېکستان گه سفری دن سۉنگ قیرغزستان، قزاقستان، تاجیکستان و تورکمنستان گه سفر قیلیشی ممکن.
سرپرست حکومت ملی مدافعه وزیرلیگی، پاکستان مدافعه وزیری نینگ افغانستان توپراغی‌ده هجوم‌لر اویوشتیریلیشی احتمالی اساسیده‌گی ینگی بیاناتی گه قرشی عکس‌العمل کورسه‌تیب، افغانستان ملی حاکمیتی نقضی خصوصیده‌گی فکرلرنی، ناتوغری بیر حرکت دیگن.
غزنی ساغلیق‌نی سقلش ریاستی مسئوللری نینگ سلام‌وطندار گه ایتیشلریچه، تیکین روشده کوز عملیاتلری نینگ بجریلیشی مقصد، کوز متخصصلریدن تشکیل بولگن بیر تیم اوشبو ولایت گه بارگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
