فاریاب ولایتیده ۴.۵ کیلومترمربع مساحتی بولگن درزآب بلاکی توز کان‌لری، ۴.۵ کیلومترمربع مساحتی بولگن اندخوی بلاکی و ۵.۲۵ کیلومترمربع مساحتی بولگن میمنه کانی نینگ داوطلب‌لیک ییغیلیشی بوگون (سه‌شنبه، ۲۲-جوزا) کان‌لر و پترولیم وزیرلیگیده یولگه قوییلگن.
بیرلشگن ملتلر تشکیلاتی خلق‌ارا آزیق-آوقت دستوری گه کوره، میلادی اوشبو ییل نینگ دستلبکی آلتی آی ده، یالغیز افغانستان خلقی نینگ تورت دن بیر قسمی آزیق-آوقت یاردم‌لر گه جدی نیاز مند دیر؛ عین‌حالده اولر یاردم بیریش اوچون ۶۵۰ میلیون دالر بودجه آزلیگی بیلن روپه‌ره دیر.
سرپرست حکومت ساغلیق‌نی سقلش وزیرلیگی مسئوللری نینگ سلام‌وطندار گه ایتیشلریچه، اوتگن ایکی آی‌ده افغانستان ده کانگو کسل‌لیگی ایجابی واقعه‌لری ۳۸ فایز کوپه‌یگن.
بلخ ولایتی سودا وسرمایه یاتقیزیش اتاق باشلیغی اسدالله اسدی نینگ اییتشیچه، «مولانا جلال‌الدین محمد بلخی» آتیده یولگه قوییلگن اوشبو اوچ کون‌لیک کورگزمه، ایچکی تولیدلرنی قۉللب-قوتلش و عیاللر نینگ قول توقیمه‌لری گه بازار قیدیریش مقصدیده یولگه قوییلگن.
غزنی ده ایکی مکتب نینگ تمل تاشی قوییلگن. اوشبو مکتب‌لر غزنی نینگ قره‌باغ تومنی‌ده ۱۹ میلیون افغانی ارزشی گه قوریلیشی ممکن.
غزنی معارف ریاستی نشرات مدیری میاگل صدیق نینگ سلام‌وطندار گه ایتیشیچه، قره‌باغ تومنی نینگ «برله» و «سپین کاریز» قیشلاقلریده ایکی مکتب نینگ قوریلیش ایشی، بوگون (سه‌شنبه، ۲۲-جوزا)، باشلنیب و جاری ییل نینگ یکونی‌گچه فایده‌لنیش گه تاپشیریلیشی ممکن.
میدان‌وردک امنیه قوماندانلیگی مسئوللری، بوگون (سه‌شنبه، ۲۲-جوزا)، سلام‌وطندار گه بیر بیانیه یوللش بیلن ایتیشلریچه، اوشبو ولایت‌ده ایکی یاشر بیر باله نینگ جسدی تاپیلگن.
روسیه جمهور باشلیغی ولادیمیر پوتین، یقین هفته‌لرده شمالی کوریا و ویتنام گه سفر قیلیشی کوتیله‌دی. روسیه یېتکرمه‌لری ۱۰-جون، دوشنبه کونی اوشبو مملکت رهبری یقین هفته‌لر ایچیده مذکور مملکت‌لر گه سفر قیلیشی ممکن دیب خبر بیرگن. رویترز، رسمی بیر مقام دن نقل قلیب پوتین شمالی کوریا و ویتنام گه ۱۹ و ۲۰ جولای سفر قیلیشی ممکن لېکن حاضرگه قدر قطعی بولمه‌گنینی معلوم قیلگن.
سمنگان محلی مسئوللری نینگ ایتیشلریچه، اوشبو ولایت‌ده یوز بیرگن ترافیکی حادثه نتیجه‌سیده، ۱۰ کیشی یره‌لنگن.
سمنگان امنیه قوماندانلیگی سوزلاوچیسی حشمت‌الله رحمانی نینگ ایتیشیچه، اوشبو حادثه اوتگن کون عصر چاغی مذکور ولایت «چپچل» دره اطرافیده یوز بیرگن.
بدخشان معلومات و مدنیت ریاستی مسئوللری نینگ ایتیشلریچه، اوشبو ولایت‌ده ۳۰ عیال خبرچی و ییتکرمه ایشلاوچیسی گه آی‌دی کارت ترقه‌تیلگن.
خلق‌ارا یېتکرمه‌لر، بیرلشگن ملتلر تشکیلاتی خوفسیزلیک کینگشی ۱۰-جون، دوشنبه کونی غزه ده اسرائیل و حماس اۉرته‌سیده آتیش کېسین برقرار اېتیلیشی اوچون امریکا قۉشمه ایالتلری جمهور باشلیغی جوبایدن نینگ تکلیفینی قۉللب-قوتله‌گنی حقیده گزارش بیرگنلر.
افغانستان ده بیرلشگن ملتلر تشکیلاتی نینگ خلق‌ارا آزیق-آوقت دستوری، کیله‌سی آلتی آی‌ده یاردم بیریش اوچون ۶۵۰ میلیون دالر گه احتیاجی بولگنی نی اعلام قیلگن.
هرات قیشلاق‌لرنی رواجلنتیریش و قیته قوریش باشلیغی عبدالسلام هجرت نینگ سلام‌وطندار گه ایتیشیچه، اوشبو ولایت کهسان تومنی «کمانه» قیشلاغیده ۳۲میلیون افغانی‌لیک سوو یېتکیزیش ترماغی فایده‌لنیشگه تاپشیریلگن.
افغانستان آسیا قهرمانی قطر بیلن مساوی قیلگنیدن سۉنگ بو کیچه ۲۰۲۶-ییل خلق‌ارا کپی مقدماتی ایکینچی باسقیچی و ۲۰۲۷-ییل آسیا ملتلر کپی سۉنگی اویینیده کویت بیلن قرشی لشه‌دی. اوشبو اویین همده قطر و هندوستان تیرمه جماعه‌لری نینگ اویینیده، قطر دن کېین قیسی جماعه کېینگی باسقیچ گه یول تاپیشی انیقلنه‌دی.
ایران پایتختی تهران شهری ده پلاستیک‌سازلیک بیر کارخانه ده صادر اېتیلگن یانغین عاقبتیده چمه‌سی ۸۳ کیشی یره‌لنگن. ایران یېتکرمه‌لری ساغلیق مسئوللردن نقل قیلیب، اوشبو یانغین ۲۱-جوزا، دوشنبه کونی تهران شهری «شهریار» سرکی ده پلاستیک‌سازلیک بیر کارخانه ده یوز بیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
