افغانستان زعفرانی، «بلژیک خلق‌ارا طعم انستیتوتی» ده توقیزینچی مراتبه طعم و صفتی نقطه‌ی نظر دن توقیزینچی مراتبه بیرینچی اۉرین‌نی اېگلله‌گن. اسلام امیرلیگی ایکینچیلیک، سوغاریش و چاروه‌چیلیک وزیرلیگی بوگون (۱۵-جوزا، سه‌شنبه) ایکس صحیفه‌سیده، افغانستان زعفرانی «بلژیک خلق‌ارا طعم انستیتوتی» ده توقیزینچی اۉرین‌نی اېگلله‌گنینی معلوم قیلگن.
هرات ده محلی مسئوللر نینگ ایتیشلریچه، اوشبو ولایتده یوز بیرگن ترافیکی حادثه نتیجه‌سیده، بیر کیشی اولیب و تورت کیشی ایسه یره‌لنگن.
کابل یشاوچیلریدن قطاری، کابل دریاسیده چیقیندی کوپه‌یگنی‌دن شکایت قیلیب و ایتیشلریچه، دریا سووی کمه‌یگنی و هوا نینگ ایسیق بولگنی بیلن، کابل دریاسیده ایس و چیقیندی کوپه‌یگن.
قاچقینلر وزیرلیگی نینگ اعلام قیلیشیچه، ایکی مینگ ۴۷۷ افغانستان‌لیک یشاوچی جبری و داوطلب‌لیک شکلده ایران دن قیتگن.
اوشبو وزیرلیک بوگون (سه‌شنبه، ۱۵-جوزا)، ایکس صحیفه‌سیده بیر بیانیه ترقه‌تیب ایتیشیچه، مذکور کیشی‌لر اوتگن کون هرات نینگ اسلام‌قلعه چیگره یولی آرقه‌لی افغانستان گه قیتگنلر.
بادغیس خوفسیزلیک مسئوللری نینگ ایتیشلریچه، اوشبو ولایتده ایکی ایناغه دریا گه چوکیب و هلاک بولگن.
بادغیس امنیه قوماندانلیگی سوزلاوچیسی صدیق‌الله صدیقی نینگ ایتیشیچه، اوشبو ایکی باله مذکور ولایت بالامرغاب تومنی نینگ «چپچل» قیشلاغی یشاوچیسی ایکنلر.
سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی اېرته (۱۶-جوزا، چهارشنبه کونی) مملکت نینگ ۱۵ ولایتیده کوچلی یامغیر یاغیب، سوو تاشقینی و بوران یوز بیریش احتمالی‌دن آگاه‌لنتیرگن.
غور قیشلاق‌لر نی رواجلنتیریش و قیته قوریش ریاستی نینگ ییتکرمه‌لر دفتری مسئولی ذبیح‌الله غوثی‌زاده گه کوره، اوشبو ولایتده یاردم بیرووچی نهادلر نیازمند و سوو تاشقینی‌دن زیان کورگن توقیز مینگ ۳۱۰ عایله گه آزیق-آوقت محصولاتی بیلن بیر قطار نرسه ترقه‌تگنلر.
سرپرست حکومت تشقی ایشلر وزیرلیگی سۉزلاوچیسی عبدالقهار بلخی بوگون (۱۵-جوزا، سه‌شنبه) ایکس صحیفه‌سیده بیر بیانیه ترقه‌تیب، اسلام امیرلیگی قزاقستان تامانیدن تروریستی گروه‌لر رویخطی دن حذف اېتیلیشینی خوش قرشی‌لب و اوشبو مملکت نینگ بو گَل حرکتینی ایکّی مملکت اۉرته‌سیده مناسبت‌لر مستحکم‌لنیشی اوچون یخشی آدیم اته‌گن.
بلخ خوفسیزلیک مسئوللری نینگ ایتیشلریچه، اوشبو ولایتده بیر سوداگر نینگ اوغیرلنگن باله‌سی اسلام امیرلیگی خوفسیزلیک کوچلری آرقه‌لی قوتقریلگن.
غزنی و پروان ولایت‌لری محلی مسئوللری، اوشبو ولایت‌لرده علیحده ترافیکی حادثه‌لرده ایکّی کیشی هلاک بولیب و باشقه آلتی کیشی یره‌لنگنینی معلوم قیلگنلر.
نیمروز مرکزی زرنج شهری ده «حبیب‌زاده» خیریه جمغرمه‌سی مسئوللری، اوتگن کون (دوشنبه، ۱۴-جوزا)، اوشبو ولایتده ۴۰ ییگیت نینگ توپلم توی مراسمی اوتکزیلگنی‌دن خبر بیرگنلر.
فرانسه‌لیک فوتبال اویینچی کیلیان امباپه، رسمی شکلده رئال مادرید کلوبی گه قوشیلدی. اسپانیالیک رئال مادرید کلوبی، ۱۴-جوزا، دوشنبه دن سه‌شنبه گه اوتر کیچه، بیر بیانیه ترقه‌تیب، کیلیان امباپه نینگ اوشبو کلوب گه قوشیلگنینی رسمی شکلده تصدیقله‌گن. فرانسه‌لیک اوشبو فوتبال اویینچی رئال مادرید بیلن بیش ییل‌لیک شرطنامه امضاله‌گن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
