فاریاب ده محلی مسئوللری نینگ ایتیشلریچه، سونگی بیر هفته جریانیده اوشبو ولایت‌ده یوز بیرگن هلاکتلی سوو تاشقینلر نتیجه‌سیده، قریب ۸۰ کیشی اولیب و ۲۰ کیشی یره‌لنگن. مسئوللر گه کوره، مذکور سوو تاشقین‌لرده یوزلب یشش اوی، مینگلرچه جریب ایکینچیلیک ییر، کوپریک و قتناو یوللر هم ویران بولگن.
بامیان محلی مسئوللری نینگ ایتیشلریچه، اوشبو ولایت یکاولنگ نمبر۲ تومنی‌ده تاغ سیلجیشی عاقبتیده، بیر کیشی اولیب و تورت کیشی ایسه یره‌لنگن. شونینگدیک بو واقعه‌ده باشقه بیر کیشی یوقالگن دیر.
قاچقین‌لر وزیرلیگی مسئوللری، تهران بلدیه اۉرین باسری که افغانستان‌لیک قاچقین‌لرنی اخلاقی، اقتصادی و اجتماعی ماین دیگن بیاناتی گه مناسبت بیلدیریب ایتیشلریچه، تشقی مملکت‌لرده‌گی افغانستان‌لیک قاچقین‌لر هېچ بیر مملکت نینگ سیاسی و ایچکی ایشلری گه اره‌لشمه‌یدیلر.
بدخشان ده محلی مسئوللر نینگ ایتیشلریچه، اوتگن کون شام چاغی و بوگون ایرته‌لب مذکور ولایت نینگ مرکزی حوزه‌سی بیلن یمگان و ارگو تومن‌لریده یوز بیرگن سوو تاشقینلر، اوشبو محللر یشاوچیلری گه تلفات بیلن کوپینچه مالی زیان ییتیشتیرگن.
غزنی خوفسیزلیک مسئوللری نینگ ایتیشلریچه، اوشبو ولایت‌ده بیر دیوار نینگ قولشی عاقبتیده، بیر ییگیت هلاک بولگن.
غزنی امنیه قوماندانلیگی سوزلاوچیسی خالد سرحدی نینگ سلام‌وطندار گه ایتیشیچه، بوگون توش‌دن آلدین (یک‌شنبه، ۶-جوزا)، ۲۳ یاشر بیر ییگیت مذکور ولایت گیلان تومنی نینگ «بازار جهنده» سا حه‌سیده ایش جریانیده دیوار نینگ قولشی سبب، هلاک بولگن.
بغلان ولایتی دوشی تومنی نینگ «دهنه‌ی لرخواب» ساحه‌سیده منبع‌لر نینگ سلام‌وطندار گه ایتیشلریچه، اوشبو ساحه‌ده اوتگن کیچه کوچلی یامغیر یاغگنی و سوو تاشقینلر یوز بیرگنی نتیجه‌سیده، حاضرگچه بیش کیشی اولگن.
روسیه دولت رهبری ولادیمیر پوتین منطقه ده‌گی اۉزگریش‌لرنی کوزه‌تیش اوچون اۉزبېکستان گه سفر قیله‌دی. کرملین سرای مطبوعات اداره‌سی، روسیه دولت رهبری ولادیمیر پوتین، اۉزبېکستان جمهور باشلیغی شوکت میرضیایف بیلن منطقه ده‌گی سۉنگی اۉزگریش‌لرنی محاکمه قیلیش مقصدیده اۉزبېکستان گه سفر قیلیشینی معلوم قیلگن.
بدخشان طبیعی حادثه‌لر گه قرشی کوره‌ش ریاستی مسئوللری نینگ ایتیشلریچه، اوشبو ولایت مرکزی فیض‌آباد شهری نینگ «مورچک» قیشلاغیده یوز بیرگن سوو تاشقینلر نتیجه‌سیده، بیر عایله نینگ ۱۰ اعضاسی هلاک بولگن.
هرات ولایتی تورغندی بندری مسئوللری، بندری ایشلر ده بیر آز قولی‌لیک کېریتیلیشی بیلن اوشبو بندر ده تجارت جریانی کوپه‌یگنینی معلوم قیله‌دیلر. هرات تورغندی بندری کمیساری نینگ اۉرین باسری همایون همت گه کوره، بو بندر نینگ ایش وقتی بولمه‌ی و ترانزیتی موترلر بار اېکن، کمیسار خادملری ایشلری گه دوام بیره‌دیلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
