افغانستان ده باله‌لر نینگ قیزه‌میققه چلینیش واقعه‌لری کوپه‌یگنی‌دن خلق‌ارا خواطرلر بیلن بیرگه، ساغلیق‌نی سقلش وزیرلیگی بو خواطرلر نی تصدیق‌لب ایتیشیچه، سونگی ایکی آی‌ده باله‌لر اورته‌سیده اوچ مینگ‌دن آرتیق قیزه‌میق واقعه قید ایتیلگن.
اوشبو وزیرلیک سوزلاوچیسی شرافت زمان امرخیل نینگ ایتیشیچه، ایچکی آواره‌لر کوپه‌یگنی و قوشنی مملکت‌لردن مینگ‌لرچه افغانستان‌لیک نینگ مملکت گه قیتگنی، قویاش ییل‌ده باله‌لر آره‌سیده قیزه‌میق کسل‌لیگی کوپه‌یگنی اصلی سببلریدن دیر.
بیزلرنینگ «ایکس» ترماغی ده هم تعقیب قیلینگ!
ساغلیق‌نی سقلش وزیرلیگی سوزلاوچیسی گه کوره: «بو ییل تصدیق بولگن واقعه‌لر کوپراق دیر. بو ییل افغانستان بویلب ۳ مینگ‌دن آرتیق واقعه ثبت بولگن. قیزه‌میققه شبهه‌لی موردلر هم اوتگن ییل‌لر گه قره‌گنده کوپه‌یگن. سببی ایسه ایچکی آواره بولگنلر و قاچقینلر نینگ قیتگنی دیر؛ بو کسل‌لیک آلدی آلینیشی اوچون تور‌لی کمپاین‌لر نی یولگه قوییگن‌میز.»
شونینگدیک اوتگن کون چیگره‌سیز شفاکارلر تشکیلاتی، جاری میلادی ییل باش تورت آیی‌ده افغانستان ده بو نهاد نینگ درمانی مرکزلریده قیزه‌میققه چیلینگن بیش مینگ باله نینگ ثبت بولگنی‌دن خبر بیرگن.
شونده‌ی بیرحالده، صحت طفل کسل‌خانه‌سی سونگی اوچ آی‌ده قیزه‌میققه چلینیش واقعه‌لری نینگ ۹۰ فایز کوپه‌یگنی‌دن خبر بیرگن.
صحت طفل کسل‌خانه‌سی گه ۲ یاشر باله‌سی نینگ دوالنیش اوچون کیلتیرگن بهاره نینگ ایتیشیچه: «اون کون‌دن بیری ایسیتمه‌سی بار. ناآرام‌لیک قیله‌دی. هیچ کوزینی اویقودن آچمه‌یدی. ایچی هم کیته‌دی. جینیم نینگ کورگنی کیتگن ایدیم که بونگه هم یوقیشتی.»
شونینگدیک اوشبو کسل‌خانه گه ۱۰ آی‌لیک باله‌سی نی دوالنیش اوچون کیلتیرگن بصیره نینگ ایتیشیچه: «اوچ کون ایسیتمه قیلدی. سینه بغل هم بولگن. ایرتنگ کسل‌خانه گه کیلتیریب و معاینه قیلدیردیم. باشقه باله‌م هم بو ییرده بستر و او هم قیزه‌میققه چلینگن. یقین‌داشلریمیز‌دن قطای نینگ باله‌سی هم قیزه‌میققه چلینگن.»
نه فقط ایچکی نهادلر بلکیم تشقی نهادر هم سونگی کونلر افغانستان ده باله‌لر آره‌سیده یوقمه کسل‌لیکلر موردلر کوپه‌یگنی خصوصیده آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
اوتگن کون افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) نینگ پولیو برنامه‌لر باشلیغی، تورخم چیگره یولی‌دن کوریب چیقیش پیتده قیتریلگن باله‌لر گه پولیو واکسینی تطبیق بولیشی اوچون جدی‌راق اقدام بولینیشی نی ایسته‌گن.
ساغلیق‌نی سقلش وزیرلیگی بیر باله‌دن باشقه باله گه پولیو ویروسی اوتیشی احتمالی نی تصدیق‌لب ایتیشیچه، مذکور وزیرلیک باشقه باله‌لر گه پولیو نینگ انتقال تاپیشی اینیقسه چیگره منطقه‌لرده بو کسل‌لیک آلدی آلینیشی اوچون برچه امکانیت‌لریدن قوللنه‌دی.
