افغانستان ده باله‌لر نینگ قیزه‌میققه چلینیش واقعه‌لری کوپه‌یگنی‌دن خلق‌ارا خواطرلر بیلن بیرگه، ساغلیق‌نی سقلش وزیرلیگی بو خواطرلر نی تصدیق‌لب ایتیشیچه، سونگی ایکی آی‌ده باله‌لر اورته‌سیده اوچ مینگ‌دن آرتیق قیزه‌میق واقعه قید ایتیلگن.
بیرلشگن ملتلر تشکیلاتی باش‌کاتبی نینگ سیاسی اورین‌باسری روزمیری دیکارلو، کابل گه قیلگن سفری‌ده اسلام امیرلیگی نینگ یوقاری مرتبه‌لی رسمی‌لری جمله‌دن سرپرست حکومت باش وزیری نینگ سیاسی اورین باسری محمد عبدالکبیر بیلن اوچره‌شگن.
اسلام امیرلیگی باش وزیری محمدحسن آخوند، ایران جمهور باشلیغی سیدابراهیم رئیسی و همراه هیئتی نینگ وفاتی مناسبتی بیلن، اوشبو مملکت خلقی گه همدردلیک بیلدیرگن. ارگ بوگون (۳۱-ثور، دوشنبه کونی) ایکس اجتماعی ترماغی ده اسلام امیرلیگی و افغانستان خلقی بو واقعه دن قیغولنگنینی یازگن.
بادغیس محلی مسئوللری نینگ ایتیشلریچه، اوشبو ولایت مرکزی قلعه‌ی‌نو شهریده بیرینچی مرته بیر موزیم آچیلگن.
بادغیس معلومات و مدنیت آمری عبدالاول حبیبی نینگ ایتیشیچه، اوشبو موزیم معلومات و مدنیت ریاستی آرقه‌لی قدیمی اثرلر نینگ سقلنیشی و نمایش گه قوییلیشی و اهالی بیلن سیاحتچیلر نینگ کوریب چیقیشی مقصد، آچیلگن.
پاکستان باش وزیری شهباز شریف، مملکتی ایران خلقی بیلن همدردلیک بیلدیریش مقصدیده بیر کون ماتم اعلام قیله‌دی. او بوگون (۳۱-ثور، دوشنبه کونی) ایکس اجتماعی ترماغی ده، اوشبو کون پاکستان بیرقی یریم کوتاریله‌دی.
بغلان ترافیک مدیریتی مسئوللری نینگ ایتیشلریچه، اوشبو ولایت‌ده یوز بیرگن ترافیکی حادثه نتیجه‌سیده، بیش کیشی اولیب و ۱۳ کیشی ایسه یره‌لنگن.
ایران یېتکرمه‌لری، تیک‌اوچ قولشی عاقبتیده اوشبو مملکت جمهور باشلیغی ابراهیم رئیسی، تشقی ایشلر وزیری حسین امیر عبداللهیان و اولرنی همراه‌لیک قیله‌دیگن باشقه کیشی‌لر نینگ اولیمینی تصدیقله‌گنلر. مهر آژانسی بوگون (۳۱-ثور، دوشنبه کونی) ابراهیم رئیسی و حسین امیرعبداللهیان نینگ اولیمینی تصدیقله‌گن.
ایران جمهور باشلیغی ابراهیم رئیسی بولگن تیک‌اوچر قوله‌گنیدن سۉنگ منطقه مملکت‌لردن بیرقطاری قیدیرو عملیاتیده ایران بیلن همکارلیک قیلیش اوچون تیارگرلیک کورستگنلر. افغانستان سرپرست حکومت تشقی ایشلر وزیرلیگی اوشبو مناسبت بیلن بیر بیانیه ترقه‌تیب، بو خبرنی «قورقو و امید» بیلن اېزله‌ماقده و رئیسی، عبداللهیان و بیرگه‌لریده‌گی باشقه کیشی‌لر اوشبو حادثه دن قوتیلیش گه امید بیلدیرگن. سرپرست حکومت تشقی ایشلر وزیرلیگی گه کوره: «حاضرگی قلتیس احوال ده برادر و قۉشنی ایران دولتی و خلقی یانیگه توریب و یامان واقعه یوز بیرمه‌گن‌لیکّه امیدوار دیر.»
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
