سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی اېرته (۲۶-ثور، چهارشنبه کونی) مملکت نینگ ۲۲ ولایتیده کوچلی یامغیر یاغیب، سوو تاشقینی و بوران یوز بیریش احتمالی‌دن آگاه‌لنتیرگن.
غور، غزنی، پنجشیر و بلخ ولایت‌لریده بوگون (سه‌شنبه، ۲۵-ثور)، کتاب هفته‌سی مناسبتی و ییگیت‌لر آره‌سیده کتاب اوقیش فرهنگی رواجلنیشی مقصد، «کتاب هفته‌سی و کتاب اوقیش» اسمی آستیده بیر کورگزمه یولگه قوییلگن.
کابل و اسلام‌آباد اۉرته‌سیده‌‍گی ناراضی‌لیک‌لر بیلن پاکستان تشقی ایشلر وزیرلیگی عصیانچی گروه‌لر اینیقسه داعش، پاکستان طالبان تحریکی (تی‌تی‌پی) گه قرشی کوره‌ش اوچون اوشبو مملکت نینگ امریکا قۉشمه ایالتلری بیلن کېلیشگنیدن خبر بیرگن.
بدخشان نینگ تشکان، کوهستان، تگاب، درایم و وردوج تومن‌لریده یوز بیرگن سونگی سوو تاشقینلریدن زیان کورگنلردن قطاری، یاردم‌لر ترقه‌تیلیش جریانی سُست‌لیگیدن شکایت قیلیب و ایتیشلریچه، مذکور ولایت‌ده سوو تاشقین‌لری یوز بیرگنی‌دن نیچه کون اوتگنی بیلن یالغیز چادر و نیچه ته ایدیش قولگه کیلتیرگنلر.
سمنگان نینگ دره‌ی‌صوف پایین تومنی‌ده ۲۲ یاشر بیر ییگیت اوزینی اولدیرگن. سمنگان امنیه قوماندانلیگی سوزلاوچیسی حشمت‌الله رحمانی نینگ ایتیشیچه، «احمد‌فرید» اسملی اوشبو ییگیت، کابل نینگ اصلی یشاوچیسی ایکن.
هلمند مرکزی لشکرگاه شهری ده بیر سوداگر، بیرینچی مراتبه ۲۰۰ مینگ دالرلیک «تاووق یېمی» ایشلب چیقریش کارخانه قورگن. اوشبو کارخانه باشلیغی عبدالهادی گه کوره، بو کارخانه نینگ اوسکونه‌لری ایران دن آلیب کېلینگن. مذکور کارخانه بیر ساعت ایچیده اوچ تُن مواد نی ایشلب چیقریش کوچیگه اېگه دیېدی، کارخانه باشلیغی.
غور ده خوفسیزلیک مسئوللری نینگ ایتیشلریچه، هریرود دینگیزی‌گه «فلانکوچ» رسوملی بیر موتر نینگ چوکیب کیتگنی نتیجه‌سیده، ایکی کیشی اولگن.
بوگون (سه‌شنبه، ۲۵-ثور)، ایرتنگ چاغی غزنی ولایتیده ایکی کون‌لیک کتاب کورگزمه‌سی یولگه قوییلگن.
مذکور کورگزمه غزنی شهری‌ده‌گی بیر قطار کتاب ساتووچیلر و نهاد‌لر نینگ همکارلیگی بیلن معلومات و مدنیت ریاستی آرقه‌لی اوشبو ولایت نینگ «خواجه علی» یولی‌ده، یولگه قوییلگن.
هرات ده خیریه بیر جمغرمه بغلان ولایتیده سوو تاشقینلریدن زیان کورگن ۵۰۰ عایله گه یاردم بیرگن.
«فقیری» خیریه جمغرمه‌سی مسئولی احمد‌شاه فقیری نینگ ایتیشیچه، اوتگن کون (دوشنبه، ۲۴-ثور)، بغلان ولایتی نینگ برکه، بغلان مرکزی و نهرین تومن‌لریده سوو تاشقینلریدن زیان کورگنلر عایله‌لرگه آزیق-آوقت بیلن باشقه بیر قطار نرسه یوباریلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
