ینگی‌لیکده، خلق‌ارا آزیق_آوقات دستوری، اولر اوچون بودجه اجره‌تیلیب و یوباریلمه‌گن تقدیرده، کیله‌سی آی ده افغانستان ده فعالیتینی بوتونلی توخته‌تیشیدن آگاه‌لنتیرگن.
خلق‌ارا آزیق_آوقات دستوری باشلیغی سیندی مک‌کنین نینگ ایتیشیچه: «افغانستان اوچون بودجه تأمین قیله آلمسک باعث، بو مملکت نی بوتونلی ترک ایته‌میز.»
باشقه تاماندن، افغانستان ده خلق‌ارا آزیق_آوقات دستوری گه کوره، مذکور نهاد کیله‌سی آلتی آی گچه بیر میلیارد دالر گه نیازمند دیر.
خلق‌ارا آزیق_آوقات دستوری سوزلاوچیسی وحید امانی نینگ سلام‌وطندار گه ایتیشیچه: «افغانستان ده ۲۱ میلیون کیشی گه ییگولیک ماده یاردم بیریش اوچون، کیله‌سی آلتی آی گچه بیر میلیارد دالر گه نیازمند میز.»
خلق‌ارا آزیق_آوقات دستوری گه کوره، بودجه‌سینی تأمینلش اوچون خلق‌ارا یاردم‌لر کمه‌یگن و مذکور تشکیلات نینگ بودجه‌سی اوتگن ۶۰ ییل ده مثل‌سیز درجه ده کمه‌یگن.
بیزلرنینگ فیسبوک صحیفه‌میزگه باش اورینگ!
باشقه تاماندن، یاردم بیرووچی تشکیلات‌لر نینگ یاردم‌لری بیلن حیات کیچیریب کیله‌یاتگن کابل شهری ده‌گی محتاج‌لردن بیرقطاری نینگ ایتیشلریچه، خلق‌ارا آزیق_آوقات دستوری اوز یاردملرینی کیسگن تقدیرده، اولر جدی قیینچیلیک‌لر بیلن روپه‌ره بولیش‌لری ممکن.
کابل شهری شهرآرا یشاوچیسی و بیش باله‌سی بولگن غازی گه کوره: «بیز یاردم گه محتاج‌میز، قیش اوچون تیارگرلیک کورگنی‌میز یوق، یاغاچ و تاش کومیر آلگن یوق‌میز، امکانیت بولمه‌گنده قنده‌ی تیارگرلیک کوریش ممکن، اقتصادی قیینچیلیگی‌میز کوپ، بونده‌ی احوال ده یاردم گه محتاج‌میز.»
کابل شهری کارته‌ی نو یشاوچیلریدن رستم نینگ ایتیشیچه: «عایله سرپرستی من، باله‌لریم کیچیک، اوچ آی اجاره اوی دن قرضدار من، نیچه روپیه یاردم آلر ایدیم بیز اوچون یخشی ایدی.»
ایش بیلرمان‌لردن بیرقطاری نینگ ایتیشلریچه، افغانستان ده خلق‌ارا یاردم بیرووچی تشکیلات‌لر نینگ یاردم‌لری بوتونلی کیسیلگن تقدیرده، محتاج کیشی‌لر نینگ حیاتی اوستیگه سلبی تأثیر قیلیشی ممکن.
دولت بیلیم یورت‌لریده پالیسی عامه اوقیتووچیسی نیازمحمد همدرد گه کوره: «یاردم‌لر کیسیلگن حالده افغان‌لر نینگ حیاتی اوستیگه سلبی تأثیر قیله‌دی، ناقانونی مهاجرت و حتا انسانی بحران گه سبب بوله‌دی، حکومت نینگ محتاج‌لر گه یاردم بیریش توانی یوق و ییترلی مالی منبع‌سی یوق دیر.»
اقتصادی ایش بیلرمان محمدطیب نجیب نینگ ایتیشیچه: «بیز بو یاردم‌لر تأثیری برابری ده بی‌فرق بوله آلمه‌ی‌میز، یاردم‌لر کیسیلیشی افغانستان خلقی اینیقسه انسان پرورلیک یاردم آله‌دیگن محتاج کیشی‌لر نینگ قیینچیلیک بیلن دوچ قیله‌دی. سرپرست حکومت بو یاردم‌لر جاینی تولدیریش اوچون توانی یوق، چونکه کوپ پول گه نیازمند دیر.»
بیزلرنینگ توییترده هم تعقیب قیلینگ!
شو بیلن بیرگه، اقتصاد وزیرلیگی سوزلاوچیسی عبالرحمان حبیب گه کوره، اوشبو وزیرلیک مملکت بویلب اقتصادی قیینچیلیک‌لرنی کمه‌یتیریش و محتاج‌لر نینگ نیازمندلیکلرینی حل قیلیش اوچون ایریم برنامه‌لرنی نظرگه آلگنلر.
او نینگ کوپه‌یتیریشیچه: «خلق‌ارا آزیق_آوقات دستوری نینگ یاردم‌لری دوامی، یشاوچیلر اینیقسه کمبغل عایله‌لر نینگ ییگولیک ماده‌لرینی تأمینلش اوچون اونملی دیر، بیراق تورلی سکتورلرده ملی برنامه‌لر و پلان‌لرنی عملگه آشیریش مقصدیده سعی‌وحرکت قیلماقده‌میز.»
خلق‌ارا آزیق_آوقات دستوری نیچه مدت آلدین، اوشبو تشکیلات نینگ بودجه‌سی آزلیگی باعث میلادی اوشبو ییل ده ایکی میلیون محتاج کیشینی یاردم‌لری رویخطی دن حذف قیلگن بیرحالده مذکور تشکیلات، افغانستان ده فعالیت‌لرینی بوتونلی توخته‌تیشیدن آگاه‌لنتیرگن و اوشبو ییل ده خلق‌ارا آزیق_آوقات دستوری یاردم‌لریدن محروم بولگنلر سانی، ۱۰ میلیو کیشی گه ییته‌دی.
