قندوز ولایتی علی‌آباد تومنی یشاوچیلریدن بیرقطاری نینگ ایتیشلریچه، اوشبو تومن نینگ ساغلیک مرکزلریده عیال شفاکار یوق‌لیگی باعث ایریم قیینچیلیک‌لر بیلن روپه‌ره بولیب و حامله عیاللر کوپراق ولادت پیتیده وفات ایته‌دیلر.
علی‌آباد تومنی یشاوچیسی حیات‌الله گه کوره: «علی‌آباد تومنی اینیقسه قیشلاق اهالیسی عیال شفاکار یوق‌لیگی باعث ایریم قیینچلیک‌لر بیلن روپه‌ره‌دیر؛ مثلاً حامله عیاللر یا که باشقه ساغلیک قیینچیلیک‌لری اوچون مراجعت قیله‌دیلر. مرکز و قیشلاق‌لر آره‌سیده یول اوزاق‌لیگی باعث ساغلیک مرکزلر گه مراجعت قیله آلمه‌یمیز.»
بیزلرنینگ فیسبوک صحیفه‌میزگه باش اورینگ!
علی‌آباد تومنی یشاوچیلریدن باشقه بیری عبیدالله، ساغلیق‌نی سقلش مسئوللریدن اولر نینگ ساغلیک قیینچیلیک‌لری اینیقسه اوشبو تومن نینگ ساغلیک مرکزلریده عیال شفاکار یوق‌لیک قیینچیلیگینی حل قیلیش‌لرینی سوره‌یدی.
او نینگ کوپه‌یتیریشیچه: «علی‌آباد تومنیده اصلا عیال شفاکار یوق دیر، بیر یا که ایکی شفاکار بولیشی ممکن، لیکن اولر تجربه‌لی و مسلکی ایمس‌لر. نرسنگ فاکولته‌سینی اوقیب بیر داروخانه آچگنلر و باشقه عیال شفاکار یوق دیر.»
بیراق، قندوز ساغلیق‌نی سقلش ریاستی سرپرستی رحمت‌الله طوطاخیل اوشبو موضوع نی رد قیلیب ایتیشیچه، علی‌آباد تومنی دولت کسلخانه‌‌سیده عیال شفاکاری بار.
بیزلرنینگ توییترده هم تعقیب قیلینگ!
اونگه کوره: «قندوز برچه یشاوچیلری گه قیینچیلیک‌لری حل ایتیلیشیدن ایشانچ بیره‌من. علی‌آباد تومنیده ۷۶ ته کلینیک بار. قوشمه تیم‌لر و تورلی انجولر بیز بیلن ایشله‌یدیلر. برچه کلینیک‌لرده قابله و داکتر بار و تون_کون خدماتی‌میز بار.»
بوندن آلدین، قندوز ولایتی باشقه تومن‌لری اهالیسی، کلینیک‌لرده عیال شفاکار یوق‌لیگی و یخشی طبی خذمت کورسه‌تیلمسلیگیدن شکایت قیلگنلر.
