ملی مدافعه وزیرلیگی پنج‌شنبه کیچه ۴-حوت، بیر تویت آرقه‌لی، اوتگن کون ملکی و حربی بولیم‌لریده ۱۴-تعلیمی دوریدن ملی مدافعه/حربی بیلیم یورتی یاش افیتسیر اکه‌دیمیک طلبه‌لریدن ۳۸۴ ته‌سی نینگ خاص بیر احتفال یولگه قوییلیش بیلن فارغ بولگن‌لری نی اعلام قیلگن.
مذکور احتفال‌ده ملی مدافعه وزیرلیگی سرپرستی محمدیعقوب مجاهد، تشقی ایشلر وزیرلیگی نینگ سیاسی معینی شیر‌محمد عباس استانکزی و تورلی خیل وزیرلیک‌لر مسئوللری و اورین‌باسرلری و اسلام امیرلیگی کوچلریدن قطاری شرکت قیلگن ایکنلر.
بیزلرنینگ فیسبوک صحیفه‌میزگه باش اورینگ!
مدافعه وزیرلیگی سرپرستی اوشبو احتفال‌ده ایتیشیچه: «سیزلر اهالی نینگ حقیقی مدافعه‌لری، ملی حاکمیت و اهالی‌دن حفاظت قیلیش بیزلر گه فرض دیر، دشمن بیلن قرشی کوره‌ش اوچون هر قنده‌ی مدافعه اوچون تیار بولینگلر، اراده‌لی بولینگلر و برچه ایش‌ده نیت‌لرینگیز الله متعال رضاسی اوچون بولسین.»
محمدیعقوب مجاهد فارغ بولگن طلبه‌لر گه، مملکت‌‌نی حمایه قیلیش اوچون علم اورگنیش یانیده شونینگدیک قورال‌دن قوللنیش نی هم اورگنینگ دیگن و «افغانستان سعادتی گه دشمن بولگن هر کیم، برچه‌میز نینگ دشمنی دیر و تینچ‌لیک نی کیلتیریش اوچون برچه‌میز بیرلیکده اولر نی شکست بیره‌میز.»
شونده‌ی بیرحالده، تشقی ایشلر وزیرلیگی سیاسی معینی شیر‌محمد عباس استانکزی نینگ ایتیشیچه: «تکبر و غرور‌سیز شکلده برچه یوتوق‌لریمیز گه فخر قیله‌میز، بیر لحظه هم غفلت قیلمه‌ی و اوز مسئولیت‌لریمیز نی یخشی بیر شکلده انجام بیریشی‌میز کیره‌ک.»
اونینگ کوپه‌یتیریشیچه: «بیزلر برچه اهالی نی بیر کوزده کوره‌میز و قوم اسمی بیلن هیچ کیم نی تانیمه‌یمیز. هر نرسه‌دن آلدین اوز اهالی‌میز نی بیر افغان اسمی‌ده تانیمیز و اوز اهالی‌میز اوچون خذمت و ملی بیرلیک اوچون سعی و حرکت قیله‌میز.»
بیزلرنینگ توییترده هم تعقیب قیلینگ!
تشقی ایشلر وزیرلیگی نینگ سیاسی معینی مملکت‌دن تشقی‌ده‌گی افغان‌لردن مملکت گه قیتیش‌لری نی ایسته‌گن، «جان، مال-ملک و عزت‌لریدن حفاظت قیله‌میز.»
