ارزگان یشاوچیلری نینگ ایتیشلریچه، اوشبو ولایت ده ۳۰ ییل دن بویان کلدار بیلن معامله بوله‌دی، بیراق محلی مسئوللر اهالی گه شنبه گچه کلدار دن قوللنمسلیکلری اوچون مهلت بیرگن.
مطبوعاتی ییغیلیش ده اشتراک ایتگن ارزگان معلومات و مدنیت باشلیغی آغاولی قریشی گه کوره، کیله‌سی هفته شنبه دن کیین هیچ کیم گه کلدار بیلن معامله قیلیش رخصتی بیریلمه‌یدی.
اونگه کوره، متخلف‌لر بیلن قانونی یانده‌شیله‌دی: «بیر کمیته تشکیل ایتیلگن، اوشبو کمیته نینگ قراری اساسیده، شنبه گچه اهالی کلدار بیلن معامله قیلیش‌لری ممکن و کیین هیچ کیم گه کلدار بیلن معامله قیلیش رخصتی بیریلمه‌یدی.»
بیزلرنینگ فیسبوک صحیفه‌میزگه باش اورینگ!
ارزگان یشاوچیلری حکومت نینگ اوشبو قرارینی خوشی قرشی‌لب ایتیشلریچه، افغانی بانکنوت‌لر آزلیگی باعث، اهالی کلدار بیلن معامله قیلیش گه مجبور دیر.
اولر نینگ ایشانچی گه کوره، اهالی مالی زیان کورمسلیگی اوچون حکومت رسمی‌لری افغانی بانکنوت‌لرنی رواجلنتیریش مقصدیده سعی‌وحرکت قیلیش‌لری کیره‌ک.
ارزگان یشاوچیلریدن سیدنور نینگ سلام‌وطندار گه ایتیشیچه: «بو قرارنی خوش قرشی له‌یمیز، عملی بولیشی کیره‌ک، چونکه بوندن آلدین یشاوچیلر بوتوغریده کوپ زیان کورگن. اوشبو دستور جدی عملی بولیب و مثبت نتیجه بیریشی ممکن.»
ارزگان یشاوچیلریدن باشقه بیری اباسین گه کوره: «هر کیم کلدار دن قوللنه‌دی. حاضر هر بیر یشاوچی افغانی پول دن قوللـه‌نیشگه خورسند دیر. افغانی پول بیلن معامله بولسه افغان‌لر اوچون نرخی بیللی بوله‌دی. بو ییرده قطار کیشی‌لر افغانی پول نی تانیمه‌یدی، بو قرار عملی بولیشی لازم.»
اقتصاد ایش بیلرمان‌لری گه کوره، حکومت اوشبو قراری گه علاوه، یشاوچیلر افغانی پول بیلن معامله قیلیش اوچون تعینلنگن مهلت گچه افغانی بانکنوت‌لرنی بازار گه ییترلیچه عرضه ایتیشی کیره‌ک.
بیزلرنینگ توییترده هم تعقیب قیلینگ!
اقتصاد مسئله‌لری بوییچه ایش بیلرمان ولی‌محمد ولی نینگ ایتیشیچه: «بیرینچیدن معامله ده قولی‌لیک یره‌تیلیشی کیره‌ک، افغانی پول رواجلنیشی اوچون اهالی اختیاری گه ییترلیچه بانکنوت‌لر قرار بیریلیشی لازم.»
شو بیلن بیرگه، ارزگان معلومات و مدنیت باشلیغی آغاولی قریشی، بازار ده افغانی بانکنوت‌لر آزلیگی خصوصیده ایتیشیچه، افغانستان مرکزی بانکی، بازار ده ییترلیچه افغانی بانکنوت‌لر موجود، نیاز بولگن تقدیرده اوشبو بانکنوت‌لرنی ارزگان و مملکت نینگ باشقه ولایت‌لری گه یوباریشیدن ایشانچ بیرگن.
ایتیش کیره‌ک، بوندن آلدین ارزگان ده نیچه مراتبه کلدار و باشقه خارجی پول دن قوللنمسلیک قراری آلینگن، بیراق اوشبو قرارلر جدی آلینمسلیگی باعث عملی بولمه‌گن.
