نوار غزه ده خیمهلر و ویرانهلرده حیات کیچیریب کیلهیاتگن اونلب مینگ فلسطینلیک، یاغینگرچیلیکلر و هوا ساووقلیگی بیلن روپهره بولگن.
خلقارا ییتکرمهلرنینگ بوگون (۷-جدی، یکشنبه)، گزارش بیریشیچه، کوچلی یاغینگرچیلیکلر و بوران، خیمهلر و وقتینچهلیک باشپنهلر ایچیگه سوو کیریشیگه سبب بولگن.
غزه ده محلی رسمیلرنینگ اعلام قیلیشیچه، اوشبو آی جریانیده ساووق طفیلی کمیده ۱۵ کیشی جملهدن اوچ چقهلاق قربان بولگن.
بو بیلن بیرگه، یاردم بیرووچی نهادلر نوار غزه گه تیزلیک بیلن کوپینچه باشپنه و انسانسیورلیک یاردملر کیریشینی ایستهگن.
اسرائیل نوار غزه گه انسانسیورلیک یاردملر کیریشینی چیکلهگنی بیرحالده، قیش موسومیده انسانی بحران توغریسیده خواطرلر کوپهیگن.
غزه دولت ییتکرمهلر ادارهسی، آتیش کیسین کیلیشووی اساسیده کونده بشری یاردملر یوکلنگن ۶۰۰ کامیوننینگ کیریشیگه نیاز بولگنی بیرحالده، هر کونی اورته شکلده ۲۴۴ کامیوننینگ نوار غزه گه کیلیشینی معلوم قیلگن.
