فیلیپین رسمیلرینینگ اعلام قیلیشیچه، بوگون ایرتهلب (۶-دلو/ ۲۶-جنوری، دوشنبه)، فیلیپین جنوبیده ۳۵۰ دن آرتیق یولاوچیسی بولگن بیر کیمهنینگ چوککنی عاقبتیده، کمیده ۱۵ کیشی اولیب و باشقه ۲۸ کیشی یوقالگن.
فیلیپین ساحلی قوروقچیسیگه کوره، حاضرگچه کیمه یولاوچیلریدن ۳۱۶ تهسی قوتقریلگن. مذکور واقعه بو کیمهنینگ «زامبوانگا» بندریدن چیققنیدن سونگ، جولو جزیرهسی یولیده یوز بیرگن.
فیلیپین ساحلی قوروقچیسینینگ ایتیشیچه، قوتقریش و اختریش عملیاتینینگ دوامی بولیب و بو عملیاتده دینگیز کوچلری، هوا کوچلری و بیرته ساحلی قوریقلش اوچاغینینگ اشتراکی بار. حاضرگچه مذکور کیمهنینگ چوکیب کیتگنی بیللی بولمهی و بو توغریده رسمی تیکشیروولرنینگ باشلنیشی ممکن.
فیلیپین ده دینگیز واقعهلری، کیتمه-کیت بورانلر، کیمهلرنینگ ایسکیریشی و خوفسیزلیک قاعدهلرینینگ درست عملگه آشیریلمسلیگی اینیسقه اوزاق حدودلرده، کوندهلیک حالت صفتیده کوریلهدی.
