بدخشان امنیه قوماندانلیگی ییتکرمهلر ادارهسی بیر بیانیه آرقهلی ایتیشیچه، بو ولایتده یوز بیرگن ترافیکی حادثه نتیجهسیده، عیاللر و بالهلر شامل ۱۲ کیشی اولیب و ۳ کیشی یرهلنگن.
مذکور حادثه بوگون توشدن کیین (۱۸-دلو، شنبه)، ارغنجخواه تومنینینگ «سمدر» ساحهسیده یوز بیرگن.
بیانیه اساسیده، اوشبو ترافیکی حادثه «فلانکوچ» رسوملی بیر موترنینگ سرک بوزیقلیگی سبب اصلی یولدن چیقیب و دره گه توشیب کیتگنی بیرحالده، یوز بیرگن.
بیانیهده کیلیشیچه، مذکور موتر فیضآباد شهریدن ارغنچخواه تومنی مرکزی تامان حرکتده ایکن.
ایتیلیشچه، یرهلنگنلر احوالی آغیر بولیب و دوالنیش اوچون ساغلیقنی سقلش مرکزلریگه انتقال بیریلگن.
