ایران ییتکرمه‌لری، ایران عدلیه وزیرلیگی نینگ انسان حقلری و خلق‌ارا ایشلری بوییچه اورین‌باسری عسکر جلالیان دن نقل قیلیب یازیشیچه، مذکور مملکت قاقخانه‌لریدن کیله‌سی ایکی آی‌ده ۱۰۰۰ افغان محبوس افغانستان گه انتقال بیریله‌دی.
جلالیان، بوگون (چهارشنبه، ۲۳-عقرب)، ایرنا آژانسی بیلن اوتکزگن صحبتلریده، محبوسلر خصوصیده صحبت قیلیش اوچون افغانستان گه کیلیشی‌نی بیان قیلگن.
بیزلرنینگ فیسبوک صحیفه‌میزگه باش اورینگ!
ایران عدلیه وزیرلیگی نینگ انسان حقلری و خلق‌ارا ایشلری بوییچه اورین‌باسری نینگ کوپه‌یتیریشیچه: «کیله‌سی ایکی آی‌ده ۱۰۰۰ افغانستان‌لیک محبوس نینگ اوز مملکت‌لری گه قیترماقچین‌میز که اولر حبس مدتی نی اوز مملکتلریده اوتکزسینلر.»
عسکر جلالیان نینگ اورغولشیچه، محبوسلردن هر بیری نینگ رضایتی بولمه‌گنی صورت‌ده، مملکتی گه قیتریلمه‌یدی.
بیزلرنینگ «ایکس» ترماغی ده هم تعقیب قیلینگ!
ایران رسمی‌‌لری نینگ ایتیشلریچه، ایران دهگی چیتایللیک محبوسلردن ۹۵ فایزی افغانستان یشاوچیلری دیر. ایتیلیشچه، ایران قماقخانه‌لریده ۸۰۰۰ چیتایللیک محبوس بار.
گزارشلر اساسیده، ایران و افغانستان قویاش ۱۳۸۵-ییل‌ده محبوسلر نینگ المشتیریلیش شرط‌نامه‌سی نی امضا قیلگنلر.
