میدیالر نینگ معلوماتی اساسیده، سونگی کون‌لرده ناتانیش قوراللی کیشی‌لر مملکت نینگ قطار ولایت‌لریده تینچ اهالی و سابق حکومت حربی کوچلرینی نشانگه آلیب اولدیرگن.
سلام‌وطندار اوشبو گزارش ده، ۱۰ کون ایچیده میدیالر تامانیدن ترقه‌لگن واقعه‌لر حقیده بحث ایتگن.
میلادی اوشبو ییل نینگ بیرینچی آگست کونیده، غزنی و بغلان ده قتل واقعه‌لری یوز بیرگن.
بیرینچی واقعه، غزنی ولایتی گیروی تومنی «زوزغوی» منطقه‌سیده «صدیق» اسملی کیشی ناتانیش کیشی‌لر تامانیدن اولدیریلگن.
اوشبو کونده بغلان ولایتیده یوز بیرگن باشقه واقعه ده، بغلان مرکزی تومنی اوچینچی سرکی حدودلریده، ناتانیش قوراللی کیشی‌لر «اسماعیل» اسملی ییگیت نی اویی یقینیده آتیب اولدیرگن.
مذکور واقعه‌لردن بیر کون اوتگچ، میدیالرده قندوز ده «مهدیه» اسملی بیر اوقیتووچی اولدیریلگن‌لیگی ترقه‌لدی.
اوشبو عیال نینگ قرینداش‌لریدن وحیدالله نینگ سلام‌وطندار گه ایتیشیچه: «افغانستان حکومتی دن، افغانستان بویلب اینیقسه قندوز ده جنایی جرم‌لر آلدی آلینیشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
قندوز محلی مسئوللری، اوشبو واقعه گه دایر ایتیشلریچه، بوتوغریده حاضرگچه تدقیقات‌لری گه دوام بیرماقده‌لر.
قندوز امنیه قوماندان‌لیگی سوزلاوچیسی جمعه‌الدین خاکسار نینگ ایتیشیچه: «خوفسیزلیک کوچلر، اوشبو عیال قاتل‌لرینی تاپیب و قانون اساسیده جزالنتیریش اوچون سعی‌وحرکت قیلماقده‌لر.»
اوشبو واقعه‌لردن ایکی کوندن کیین، تخار ولایتی خواجه‌غار تومنی «جلم‌خور» قیشلاغیده، «معصومه» اسملی بیر عیال، ناتانیش کیشی‌لر تامانیدن اولدیریلگن‌لیگی معلوم قیلیندی.
سه‌شنبه بیش آگست، میدیالر ارزگان و غزنی ولایت‌لریده ایکی جنایی واقعه یوز بیرگنیدن خبر بیردیلر.
ارزگان ده شخصی دشمن‌لیک باعث «رضا» اسملی بیر کیشی اولدیریلگن و اوشبو واقعه گه دایر «عبدالغفور» اسملی کیشی حبس گه آلینگن.
اوشبو کون ده غزنی ده آتیب اولدیریلگن بیر کیشی نینگ جسدی مذکور ولایت نینگ کسلخانه‌سیگه انتقال بیریلگن.
آلتی آگست کونی، بدخشان و پروان ولایت‌لریده ناتانیش کیشی‌لر ایریم واقعه‌لرده ایکی کیشینی اولدیریشگن.
بدخشان ده، سابق حکومت خوفسیزلیک کوچلری اعضاسی بولگنی ادعا قیلینگن «فریدون» اسملی کیشی اولدیریلگن.
پروان ولایتی کوه‌صافی تومنی «باعث‌خیل» قیشلاغیده، ناتانیش کیشی‌لر احمدخیل اسملی کیشینی اوز باغی ده آتیب اولدیرگنلر.
مذکور کیشی نینگ قرینداش‌لریدن عبدالقدیر نینگ سلام‌وطندار گه ایتیشیچه: «اسمیم قدیر، قرینداشی من، ۱۵ اسد کونی اوز باغی ده آتیب اولدیردیلر، دولت واقعه گه دایر معلومات نی حاضرگچه بیز بیلن شریک قیلگن یوق.»
بیزلرنینگ توییترده هم تعقیب قیلینگ!
ییتتینچی آگست کونی، ننگرهار، ارزگان و سرپل ولایت‌لریده علیحده اوچ واقعه ده تورت کیشی اولدیریلیب و باشقه اوچ کیشی یره‌لنتیریلگن.
اوشبو کونده ننگرهار نینگ سرخ‌رود تومنی «شیخ مصری شهرکی» ده یشش بیر اوی ده ناتانیش کیشی‌لر تامانیدن تشلنگن نارنجک بمبی پارتلشی عاقبتیده، ایکی باله هلاک بولیب و باشقه بیر باله شامل اوچ کیشی یره‌لنگنلر.
شونینگدیک، ارزگان مرکزی ترینکوت شهری ده ناتانیش شخص‌لر بیر کیشینی آتیب اولدیرگنلر.
اوشبو کونده سرپل ولایتیده، سابق حکومت خوفسیزلیک کوچلریدن بیری، ناتانیش قوراللی کیشی‌لر تامانیدن آتیب اولدیریلگن.
توقیز آگست کونی، تخار و غزنی ده یوز بیرگن اوچ جنایی واقعه ده بیر قطار کیشی‌لر قربان بولگن.
اوشبو کونده تخار ده ایکی واقعه یوز بیرگن، مذکور ولایت نینگ فرخار تومنیده ناتانیش شخص‌لر بیر کیشینی آتیب اولدیریشگن، بیراق اوشبو واقعه عاملی حاضرگچه محلی مسئوللر تامانیدن حبس گه آلینگنی سلام‌وطندار گه تصدیقلنمه‌گن.
اوشبو ولایت نینگ درقد تومنیده «اکرم» اسملی بیر کیشی اوز اویی ناتانیش کیشی‌لر تامانیدن سرلی شکلده اولدیریلیب و تورموش اورتاغی یره‌لنگن.
شونینگدیک، اوشبو کونده غزنی ده سابق حکومت خوفسیزلیک کوچلریدن بیری نینگ جسدی کسلخانه گه انتقال بیریلگن.
سرپرست حکومت، هردایم مملکت بویلب خوفسیزلیک تأمین ایتیلیشیدن ایشانچ بیرگن بیرحالده، مملکت نینگ قطار ولایت‌لریده اوشبو واقعه‌لر یوز بیرگن.
