مملکت یشاوچی‌لریدن بیرقطاری مخابراتی ترماقلرنینگ یخشی خذمت ارایه قیلمه‌یشلریدن تنقید قیله‌دیلر.
اولرنینگ ایتیش‌لریچه، مخابراتی ترماقلرنینگ پایه‌لریگه قرشی تهدیدلر برطرف بولگن، لیکن مخابراتی قیین‌چیلیکلر حاضرگچه برطرف بولمه‌گن.
یشاوچی‌لرنینگ ایتیش‌لریچه، مخابراتی ترماقلر بیرقطار شهرلر و تومن‌لرنینگ مرکزلریده یخشی شکلده فعالیت قیلمه‌یدی و باشقه بیرقطار تومن‌لرده نیچه ساعت‌لیک فعالیت قیله‌دی و اوندن سونگ، فعالیت‌لری توخته‌تیله‌دی.
یشاوچی‌لرنینگ کوپه‌یتیریش‌لریچه، کیفیت‌سیزلیک و ارتباط نینگ کیسیلیشی اولرگه قرشی قیین‌چیلیک یره‌تگن.
مملکت یشاوچی‌لری اسلامی امارت نینگ تکنالوژی و مخابرات وزیرلیگی‌دن، مملکت‌ده اجتماعی ترماقلر نینگ توغریسیده‌گی قیین‌چیلیکلرنی تیزلیککه حل قیلیش‌لرینی سوره‌گنلر.
عین‌حالده، تکنالوژی و مخابرات وزیرلیگی سوزلاوچی‌سی عنایت‌الله الکوزی نینگ سلام‌وطندارگه ایتیشیچه، مخابراتی ترماقلر تامانیدن خذمت ارایه قیلینیشی سابق کبی دوامی بار و قیین‌چیلیک چیقگن پیتده اوشبو وزیرلیک، قیین‌چیلیکلرنی برطرف قیله‌دی.
بو بیرینچی مرته ایمس کیم اهالی مخابراتی ترماقلرنینگ فعالیت یخشی بولمه‌گنی و بها‌سی یوقاری بولگنی‌دن تنقید قیلگنلر، بلکیم بوندن آلدین و سابق حکومتده هم اوشبو بولیم‌ده شکایت‌لری کوپ ایدی.
