بوگون “چهارشنبه” ساغلیق‌نی سقلش وزیرلیگی سرپرستی احمد جواد عثمانی نینگ کابلده خبری بیر ییغینده ایتیشیچه، مملکتده کرونا ویروسی نینگ ایکینچی موجی باعث، دولتی کسلخانه‌لرده مراجعت قیله‌دیگنلر ۱۰% کوپه‌یگن.
ساغلیق‌نی سقلش وزیرلیگی سرپرستی‌گه کوره، خصوصی و دولتی کسلخانه‌لرده کرونا ویروسی‌گه چلینگنلرنینگ سانی ۵% کوپه‌یگن.
جناب عثمانی نینگ کوپه‌یتیریشیچه، کابینه قراریگه کوره، توی هوتل‌لری جاری ییل قوس آی نینگ اداغیگچه باغلنگن قاله‌دی.
عثمانی نینگ ایتیشیچه، شهرلرنینگ قرنطینه قیلینیشی خصوصیده قرار آلینمه‌گن، بیراق بیرقطار چیکلاولر جمله‌دن ماسک کییش و مزدحم منطقه‌لرده بارمه‌یش تعیین ایتیله‌دی.
عین‌حالده، ساغلیق‌نی سقلش وزیرلیگی سوزلاوچیسی اورین باسری معصومه جعفری نینگ ایتیشیچه، اوتگن ۲۴ ساعت جریانیده کرونا ویروسی‌گه شبهه، ۱۲۰۱ کیشی آزمایش قیلینگن و بو جمله‌دن ۲۴۳ ته‌سی نینگ نتیجه‌سی ایجابی تانیلگن.
شونینگدیک، ساغلیق‌نی سقلش وزیرلیگی تامانیدن بیریلگن معلومات‌لرگه کوره، اوتگن بیر کیچه و کندوز ده کرونا ویروسی‌گه چلینگن‌لردن ۷ ته‌سی دنیا دن اوتگن و حاضرگه‌قدر دنیا دن اوتگنلرنینگ سانی ۱ مینگ و ۶۴۵ کیشی‌گه کوپه‌یگن.
